იუსტიციის მინისტრი ირწმუნება, რომ ექიმ ზურაბ ფაღავას სამოქალაქო კლინიკაში გადაყვანაზე არ უსაუბრია.
რატი ბრეგაძემ დღეს მედია ტყუილში დაადანაშაულა:
მრავალპროფილური კლინიკა არ გულისხმობს სამოქალაქო კლინიკას, პირადად თქვენ ატყუებთ საზოგადოებას, როდესაც მე მაბრალებთ ტყუილს. თქვენივე სიუჟეტს რომ კარგად შეხედოთ, როდესაც თქვენ აბრალებთ კონსილიუმის წევრს, ბატონ ფაღავას, თქვენს არხზე გაშვებულ კომენტარში, სამოქალაქო კლინიკას არ ახსენებს. ასე რომ, კარგად მოამზადეთ ეგ სიუჟეტიც, როდესაც მე მადანაშაულებთ ტყუილში” – ამბობს ბრეგძე.
ზურაბ ფაღავა პირველი ექიმი იყო, ვინც იუსტიციის მინისტრი, რატი ბრეგაძე, სიცრუეში ღიად დაადანაშაულა. მან ღარიბაშვილის მთავრობის წევრის მიერ გავრცელებული ინფორმაცია, რომ მედიკოსების ჯგუფს მინისტრთან შეხვედრაზე სააკაშვილის სამოქალაქო საავადმყოფოში გადაყვანის თემა არ განუხილავს, უარჰყო.
კომენტარები