“ასობით ლიბანელი და იორდანელი დემონსტრანტი მოძრაობს ისრაელის მიმართულებით” – რა ხდება ისრაელ-პალესტინის ომში? – ბატიაშვილი

რა ხდება ისრაელ-პალესტინის ომში ამ მომენტისთვის?

– ისრაელმა დილით 24 საათიანი ვადა მისცა ღაზას სექტორის ჩრდილოეთ ნაწილში მცხოვრებ მოსახლეობას (დაახლოებით 1,1 მილიონი ადამიანი), რათა მათ დატოვონ ეს ტერიტორია და გადაინაცვლონ რუკაზე წითელი ზოლით ნაჩვენები ტერიტორიის ქვევით;

– როგორც ჩანს, ისრაელი ამ დროის ამოწურვის შემდეგ დაიწყებს ოპერაციას ღაზას სექტორის ჩრდილოეთ ნაწილში (რუკაზე წითლად მონიშნული ხაზის ზევით);

– “ჰამასი” მოუწოდებს მოსახლეობას, არ დაუჯერონ ისრაელს და არ გადავიდნენ სამხრეთ ნაწილში. “ჰამასისთვის” მნიშვნელოვანია მათი ადგილზე დარჩენა საომარი მოქმედებების დროს;

– ისრაელის მხარდაჭერის მიზნით ამ ქვეყანაში ჩავიდა აშშ-ს თავდაცვის მდივანი ლოიდ ოსტინი;

– აშშ-ს თავდაცვის მდივანი ბლინკენი კი ისრაელის შემდეგ ამანში ჩავიდა და იორდანიის მეფეს შეხვდა;

– ირანის საგარეო საქმეთა მინისტრი ამირ აბდოლაჰიანი კი ლიბანში ჩავიდა და “ჰესბოლას” ლიდერს ნასრალას შეხვდა;

– პალესტინის მხარდამჭერი მიტინგები იმართება ირანში, თურქეთში, ლიბანში, ერაყსა და იორდანიაში;

– ასობით ლიბანელი და იორდანელი დემონსტრანტი მოძრაობს ისრაელის მიმართულებით, რომლებიც საზღვრის გადალახვასა და ისრაელში შეღწევას ცდილობენ;

– “ჰამასმა” რაკეტები გაუშვა ღაზას სექტორიდან ისრაელის მიმართულებით. საპასუხოდ, ისრაელი აგრძელებს ღაზას სექტორის დაბომბვას;

– “ჰამასის” ტყვეობაში ისევ რჩება ათობით მძევალი;

– იზრდება მსხვერპლი ორივე მხარეს. ისრაელში გარდაცვლილია 1 300-ზე მეტი ადამიანი, დაჭრილია 3 400, პალესტინაში – 1 537 (+დაახლოებით 2 500 “ჰამასის” მებრძოლი) და დაჭრილია 6 612 ადამიანი.