აშშ-ს საელჩოს განცხადება და პოლიტიკური ოპოზიცია – გოგა გაგნიძე

აშშ-ს საელჩოს განცხადება კლასიკურია – ის ზუსტად აგრძელებს ვაშინგტონის იმ დიპლომატიურ კურსს, რომელიც კავკასიის რეგიონში წლებია ტარდება. აქ რადიკალურად ახალი და განსხვავებული არაფერი თქმულა.

თუმცა, ამჯერად განსაკუთრებით უნდა გამოვყოთ მოწოდება პოლიტიკური ოპოზიციისადმი, რათა მან სახელმწიფო ინსტიტუტებთან ითანამშრომლოს.

სამწუხაროდ – თავის მართლებით, ერთმანეთზე ხელის გადაბრალებითა და წარსულში გაუთავებელი ვოიაჟით, ჟანრში: „ხომ ვამბობდი, მართალი ვიყავი“ და „მე პარლამენტში შესვლა მინდოდა, იმათ კი — არა“.

მზად ვართ, დავუბრუნდეთ და შევუდგეთ „ქართული ოცნების“ მიერ არაერთგზის დაზიანებული საარჩევნო კოდექსის განხილვას, მისი ნორმების საქართველოს კონსტიტუციასთან თანხვედრაში მოყვანას და საარჩევნო ადმინისტრაციის იმგვარად ფორმირებას, სადაც გათვალისწინებული იქნება ყველა ოპოზიციური პარტიის მონაწილეობა პარიტეტულ საწყისებზე.

ეს ნაბიჯები მნიშვნელოვნად შეამსუბუქებს მიმდინარე პოლიტიკურ კრიზისს, ქვეყანას დემოკრატიული განვითარების კალაპოტში დააბრუნებს და ორ წელიწადში, მორიგი ბუნებრივი საარჩევნო წლისთვის, ჯანსაღ წინასაარჩევნო გარემოს ჩამოაყალიბებს.

ხოლო იმისათვის, რომ პროცესი იყოს გამჭვირვალე, მდგრადი და შედეგზე ორიენტირებული, ოპოზიციური პარტიები ვთანხმდებით მოლაპარაკებების დაწყების ერთადერთ წინაპირობაზე – ყველა პოლიტიკური და სინდისის პატიმრის დაუყოვნებელ გათავისუფლებაზე.“

პოზიციონირება: მსხვერპლისა თუ პასიური კრიტიკოსის როლიდან ოპოზიცია პირდაპირ გადადის პროცესის მთავარი არქიტექტორის ამპლუაში.

მმართველ გუნდს ხელიდან ეცლება მთავარი ნარატივი, თითქოს ოპოზიციას მხოლოდ დესტაბილიზაცია სურს და მას რეალური, სამუშაო გეგმა არ გააჩნია.