“აშშ-ს ექვსი მილიონი იხარჯება და გელათში წყალი ჩადის და ფრესკები საფრთხეშია…”

ენმ-ის წევრი, ნიკა ვაჩეიშვილი, სოციალურ ქსელში, აქვეყნებს ფოტოს და წერს:

“ამერიკის საელჩოს გამოყოფილი და მოზიდული ექვსი მილიონი დოლარი იხარჯება გელათის რესტავრაციაში. მთავარი ტაძარი კრამიტით გადაიხურა. უხარისხო აღმოჩნდა. წყალი ჩადის.

საიდან ჩადის წყალი, ბოლომდე გაურკვეველია, ვერც გაირკვევა, შიდა მიგრაცია კერამიკაში მაღალია და აქ რომ ჩავა ნალექი, იქით იჩენს თავს.

ფრესკებს უკვე დაემჩნა შედეგი. ცვივა. გენიალურ მოზაიკასაც დაემუქრება საფრთხე (თუ უკვე არა). და რა უნდა ვიღონოთ?
წავა ახლა ერთმანეთზე გადაბრალება.
მდგომარეობას რა გამოასწორებს?
რატო არავინაა მომკითხავი?
ძალიან ცუდი ამბავია.

გელათის მოზაიკის სმალტები ცვივა საკურთხეველშიო, ამბობს გელათელი მღვდელი”