მსოფლიოში კორონავირუსით ინფიცირების მაჩვენებელი 385 მილიონს აჭარბებს.
გასულ დღე-ღამეში ვირუსის 140 ათასზე მეტი შემთხვევა დადასტურდა რუსეთში, რაც ქვეყნისთვის რეკორდული მაჩვენებელია. 200 ათასს გადააჭარბა ინფიცირების დღიურმა მაჩვენებელმა გერმანიაში. საფრანგეთში კი დღეიდან შეზღუდვების ნაწილი გაუქმდება.
მომდევნო კვირიდან მოქალაქეებს ვაქცინაციის დამადასტურებელი დოკუმენტების წარდგენა აღარ იქნება სავალდებულო ჩეხეთში რესტორნებში, კულტურულ და სპორტულ ღონისძიებებზე დასასწრებად.
რეგულაციების შემსუბუქებას გეგმავს იტალიაც. შეერთებული შტატების არმიიდან კი იმ სამხედროებს გაუშვებენ, რომლებიც ვაქცინაციაზე უარს ამბობენ.
კომენტარები