“ასე ტუტუცურად შეურაცხყოფის მიყენება შეიძლება?” – რა მოხდა ბათუმის ბოტანიკურ ბაღში?

ჟურნალისტი, გიდი ზურა ბაუჟაძე”

ბათუმის ბოტანიკური ბაღი/Batumi Botanical Garden

სამი დღის წინ ქალაქ ოდესიდან ბათუმში მყოფი რიელტორული კომპანიის თანამშრომლები (სულ 22 კაცი) მოვიყვანე თქვენთან.

შევიძინე შესაბამისი რაოდენობის ბილეთები და შევედით ბაღის ტერიტორიაზე. არ გასულა რამდენიმე წუთი და კიჟინითა და კივილით დაგვედევნა მოლარე.

– თქვენ 22 ბილეთი შეიძინეთ და უფრო მეტი ადამიანია ჯგუფშიო.

შეიქმნა უხერხული სიტუაცია. იძულებული გავხდით რომ დაცვის სამსახურის წარმომადგენელთან ერთად დემონსტრაციულად დამეთვალა ჯგუფის წევრთა რაოდენობა.

დარწმუნდნენ რიმ მახლდა 22 ადამიანი და თითქოსდა არაფერი მომხდარა ისეთი სახე მიიღეს და ზურგი მოგვაქციეს.ე

სტუმრებმა თავი ძალიან უხერხულად იგრძნეს და ბაღი მალე დავტოვეთ, აღარ ისურვეს მისი დათვალუერება.

განა მოვიტყუებდი თუ რა? ან ადამიანებზე ასე ტუტუცურად შეურაცხყოფის მიყენება შეიძლება? თუ არ მენდობით რატომ თავიდანვე არ დათვალეთ ხალხი? როცა ქცევის წესები არ უვარგა თქვენს თანამშრომლებს ბოდიშის მოხდა არ უნდა ასწავლოთ?”