“ასე განდევნეს ახალგაზრდობა ტაძრებიდან” – რა ფოტოს აქვეყნებს დეკანოზი

დეკანოზი, ილია ჭიღლაძე:

“ეს დღევანდელი ვნების დიდი პარასკევის ღვთისმსახურების შემდგომ გადაღებული ფოტოა სამღვდელონი და მრევლი ზუგდიდის ვლაქერნის ხატის სახელობის დადიანებისეულ, აწ საკათედრო ეკლესიაში. ასე განდევნეს ახალგაზრდობა ტაძრებიდან, და მხოლოდ იმიტომ რომ დღეს ქართული ეკლესია ქცეულია სიბნელის, რაშიზმის, ანტიკულტურულობის და ანტიცივილურობის წყაროდ. მადლობა ღმერთს რომ ასეთ ეკლესიას ახალგაზრდობა გაემიჯნა, იქ მხოლოდ სიბნელე და ჭვარტლია, როგორც 25 წლის წინ გალესილ-გათეთრებული ეს კედლებია გაშავებულ-გაჭვარტლული კაჩიგარასავით, ესაა რეალური ავტოპირტრეტი სიბნელის კერად ქცეული ეკლესიისა და საპატრიარქოსი. ნეტავ რიღასთვის აშენებს უზარმაზარ ახალ საკათედრო ეკლესიას გერასიმე ქვაბავაზაკი, ეს 30 კაცი ხომ აქაც მშვენივრად ეტევა?!”