ირაკლი კობახიძე ამბობს, რომ ევროპარლამენტარი ვიოლა ფონ კრამონის ციხეში, ნიკა გვარამიასთან არშეშვებას გამოეხმაურა და თქვა:
“ვიოლა ფონ კრამონს რაც შეეხება, მასთან დაკავშირებით ჩვენი პოზიცია არის ცნობილი და მისი განცხადებებით, რომლებიც აკეთა გასული დღეების განმავლობაში, კიდევ ერთხელ დადასტურდა ის, თუ რატომ გვაქვს ჩვენ, ჩვენი დამოკიდებულება ამ ადამიანის მიმართ. მათ შორის, ძალიან მძიმე განცხადება გააკეთა ევროპარლამენტის რეზოლუციასთან დაკავშირებით. მან თქვა, რომ ეს რეზოლუცია და კონკრეტულად ის ნაწილი, რომელიც ივანიშვილის დასანქცირებას ეხებოდა, შემუშავდა ამერიკელ პარტნიორებთან თანამშრომლობით. ახლა, ასეთ რაღაცებს რომ ლაპარაკობს ადამიანი, ის მე მგონი არსად არ არის შესაშვები, არათუ გვარამიასთან, ან ვინმე სხვასთან”
ვიოლა ფონ კრამონი თბილისში, 6-7 სექტემბერს მიმდინარე საერთაშორისო კონფერენციას ესწრებოდა. მან ნიკა გვარამიას ნახვის ნებართვაზე უარი მიიღო პასუხად.
კომენტარები