“აწერთ თუ არა ხელს მიხეილ სააკაშვილის სიკვდილს?” – იუსტიციის მინისტრი რატი ბრეგაძე “მთავარი არხის” კითხვამ გააღიზიანა. ის ამბობს, რომ თუკი ვინმეს აინტერესებს მესამე პრეზიდენტის ჯანმრთელობა, “ერთ-ერთი პირველი მმართველი გუნდია”.
“რას ნიშნავს, რომ რომ ვინმე ხელს აწერს მის მკვლელობას. სტრასბურგის სასამართლომ მოუწოდა, რომ შეწყვიტოს შიმშილობა და ნახეთ თქვენ როგორ შეკითხვას სვამთ – თქვენ ხელს აწერთ მის მკვლელობაზე?! – არავის მკვლელობაზე არ ვაწერ ხელს! ღმერთმა დამიფაროს.
თქვენი ნარატივი კი არაა, ეს არის ის რასაც ავრცელებენ შეგნებულად, რომ თითქოსდა ჩვენ მიზანმიმართულად ვკლავთ, ეს არის ყოვლად დაუშვებელი. თუკი ვინმეს აინტერესებს მისი ჯანმრთელობა, ერთ-ერთი პირველები ვართ ჩვენ და სახელმწიფო”, – თქვა რატი ბრეგაძემ.
ბრეგაძე დღეს ისევ ამტკიცებდა, რომ ციხის საავადმყოფოში მასზე კვალიფიციური პერსონალი ზრუნავს და დაწესებულებას ყველა რესურსი გააჩნია იმისთვის, რომ შიმშილობის შემდეგაც “პატიმრის ჯანმრთელობის ეფექტიანი კონტროლი” განახორციელოს.
mtavari.tv
კომენტარები