შესაძლო კორუფცია და არასწორი მენეჯმენტი ჯანდაცვის სამინისტროში – უწყების მიერ განხორციელებული რამდენიმე პროექტი გამოიკვლია აუდიტის სამსახურმა, სადაც უამრავი დარღვევა აღმოაჩინა.
კერძოდ, საუბარია ვადაგასულ მედიკამენტებზე, რომელიც თავდაპირველად მორგებული იყო სოციალურად დაუცველებზე, შემდგომ კი პენსიონერებზე და შშმ პირებზეც.
აუდიტი აცხადებს, რომ პროგრამას თავიდანვე არასწორი მენეჯმენტი ქონდა და საკმაოდ ცოტა ბენეფიციარი მიმართავდა, რადგან არ იყო სათანადო ინფორმირება. ამ ყველაფერის ფონზე მედიკამენტების დიდი მარაგი დარჩა, რომლებსაც ვადა გაუვიდათ.
ზემოაღნიშნული მიზეზების გამო ყველაზე მოწყვლადი ჯგუფი – პენსიონრები და სოციალურად დაუცველები მედიკამნეტების გარეშე რჩებიან.
ოპოზიციის წევრები და ანალიტიკოსები არ გამორიცხავენ კორუფციას, რადგან სამინისტროს მიერ გამოცხადებულ 130 ტენდერში მხოლოდ 3 კომპანია იმარჯვებს.
“ყველამ კარგად იცით როგორი გაძვირებულია საქართველოში წამლის ფასი და ამ დროს ყველაზე მეტად ვისაც აქვს მოთხოვნილება წამალზე, ქრონიკურლი დაავადების მქონე მოქალაქეებს, ხორციელდება მათივე ფულით პროგრამა, რომლის შედეგიც ამ ადამიანებამდე არ აღწევს, ვადაგასულია ძალიან ბევრი წამალი, არასწორი მენეჯმენტი, აქ არის ძალიან დიდი კორუფციული მომენტი”, – ამბობს ენმ-ს წევრი, ზურაბ მელიქიშვილი.
“შედეგი მაინც არ აქვს, ვიღაცამ ხომ უნდა აგოს პასუხი, მედიკამენტები ნაყიდია, ვადა გასული აქვს და პრაქტიკულად გადაყრილია, ვისი ფულით, ისევ და ისევ ჩვენი”, – ამბობს ექსპერტი ვატო სურგულაძე.
კომენტარები