“ქართული ოცნების” თავმჯდომარე, ირაკლი კობახიძე, ამერიკის სალეჩოს განცხადებას ეხმაურება და ამბობს:
“ჩვენ ჩვენს პარტნიორებთან გვაქვს 30-წლიანი ძალიან კარგი თანამშრომლობის გამოცდილება. ძალიან ხშირად ვიღებთ ხოლმე რჩევებს, და სამწუხაროდ, არის ხოლმე ასეთი გამონაკლისი შემთხვევები, როდესაც ვისმენთ, არასამართლიან და არასწორ შეფასებებს მათი მხრიდან და ეს არის ამის მაგალითი. სამწუხაროდ, ასეთი განცხადებების ანგრევს ქართული საზოგადოების ნდობას დასავლელი პარტნიორების მიმართ, რაც არ არის კარგი და ეს ჩვენ არ უნდა დავუშვათ. არის ხოლმე ადამიანური შეცდომები, არასწორი ინფორმაცია, მაგრამ საზოგადოებისთვის ეს არ არის ახსნა და განმარტება.
რაც შეეხება განცხადებას, აქ არის არაერთი უზუსტობა, მთლიანობაში არასამართლიანი განცხადებაა, არის უზუსტობები, მათ შორის ფაქტობრივი უზუსტობები, ტექნიკური შეცდომები, რაც არის სამწუხარო და უნდა უკავშირდებოდს, ბუნებრივია ადამიანურ შეცდომებს. აშკარად ადამიანური შეცდომაა, წინააღმდეგ შემთხვევაში ასეთი შეცდომები არ გაეპარებოდა. არასამართლიანი და არასწორი განცხადება გაკეთდა, ჩვენ ყოველთვის მზად ვართ გვქონდეს კონსულტაციები ნებისმიერ თემაზე.”
ირაკლი კობახიძემ შეცდომებზე საუბრისას მაგალითად მოიყვანა სახელმწიფო ინსპექტორის გაუქმებაზე წინადადება საელჩოს განცხადებიდან და თქვა, რომ სახელმწიფო ინსპექტორის სამსახური არ უქმდება, ხდება გაყოფა ორ ნაწილად და კომპეტენციები ჯამურად გაფართოვდა.
ვიდეო – “მთავარი არხი”
კომენტარები