პოლიტოლოგი, დავით ზურაბიშვილი:
“ვიღაც ტროლებს პეტიცია შეუდგენიათ. არ ვხუმრობ, მართლა ტროლების შედგენილია, რადგან არც პეტიციის ავტორი, ვინმე ანანო წილოსანი იძებნება სადმე, ხოლო პეტიციას ავრცელებს Coco Kaewchay, რომლის პროფილზეც თუ გადახვალთ, ეგრევე მიხვდებით რომ სპეციალურად ამ პეტიციის გამავრცელებელი ტროლია, რადგან პრაქტიკულად პროფილი არცა აქვს. სამაგიეროდ მის მიერ გამოდებული პეტიცია დასპონსორებული და დაბუსთულია, ანუ ფულია მის გავრცელებაში გადახდილი.
რა პეტიციაა ამისთანაო, იკითხავთ. რა და ესაა მოთხოვნა, კონსტიტუციიდან ამოიღონ დებულება ევროატლანტიკურ სივრცეში საქართველოს ინტეგრაციის ხელშეწყობის შესახებ. პეტიციის ტროლი ავტორები ამას ითხოვენ იმ საბაბით, რომ საქართველოს ევროინტეგრაციას ხელს უშლის დასავლეთი.
ახლაც არ ვხუმრობ, მართლა ასე წერია. მაინც არ გვიღებენ ეგ გათახსირებულები და ამიტომ ამოვიღოთო. თან ბანერზე მომიტინგეები დაუხატიათ საქართველოს დროშით და ხმა მიეცით საქართველოს დამოუკიდებლობასო, მოგვიწოდებენ. ამის მერე მოდის მხოლოდ მორცხვი შენიშვნა, რომ პეტიცია ითხოვს ევროატლანტიკური ინტეგრაციის ამოღებას კონსტიტუციიდან.
არ ვიცი რეალურად ვინ დგას ამ ტროლების უკან, ალტ.ინფო, ხალხის ძალა, ოთარ ფარცხალაძე, ზაზა შათირიშვილი თუ თავად ოცნება დიტო სამხარაძის “შესტიორკების” სახით, მაგრამ ეჭვი მაქვს, აშკარად საზოგადოების განწყობის მოსინჯვის მიზნითაა გაკეთებული. კი ბატონო, ვიცი, რომ ენთუზიასტი ფაშისტებიც გვყავს, მაგრამ ეგენი ყალბი ექაუნთებით არ გამოვიდოდნენ და თანაც მაგათ პეტიციის გავრცელებაზე დაადებინებ ფულს?
ჰოდა, რატომ მოვყევი ახლა ეს ამბავი? იმიტომ, რომ პეტიცია დაწერილია და ინტერნეტში დევს 6 ოქტომბრიდან და დღემდე აქვს არც მეტი არც ნაკლები, 5 (ხუთი) ხელმოწერა. ხუთად ხუთი ადამიანი აწერს მხოლოდ ხელს. ასე, რომ საზოგადოების განწყობა თუ აინტერესებდა დამკვეთს, მგონი ყველაფერი ნათელია.
P. S. თუ ვინმეს ამ განწყობაში მაინც ეჭვი შეეპარება, შეუძლია პეტიციის კომენტარები გახსნას და იხილოს ე. წ. დედისტრაკი in action.
კომენტარები