დღევანდელი აქცის მოქალაქქეთა მშვიდობიანი პროტესტია და შსს-ს მუქარის მიუხედავად, ის მაინც განხორციელდება – ამის შესახებ აქციის ერთ-ერთმა ორგანიზატორმა, ხატია დეკანოიძემ, განაცხადა. მისი თქმით, ჩვენი ქვეყანა რუსულ რეჟიმს არასდროს შეეგუება.
ვერ გეტყვით, რას იზამს შსს. ცხადია, რომ განაცხადება, რაც გაავრცელეს, არის რეპრესიების დაანონსების მცდელობა. ჩვენ გვაქვს იმის უფლება, რომ ყველანაირი მშვიდობიანი მსვლელობა გავაკეთოთ. არ ვიცი, შსს რას იზამს, მაგრამ მათი არავის ეშინია. ეს მათ კარგად უნდა იცოდნენ. ყველას აქვს მშვიდობიანი პროტესტის გამოხატვის უფლება.
ჩვენი მთავარი მოთხოვნაა, გადავარჩინოს მიხეილ სააკაშვილის სიცოცხლე. ეს ქვეყანა არასდროს შეეგუება რეჟიმს, რომელიც დღეს არის საქართველოში, ანუ რუსეთს. – განაცხადა აქციაზე ხატია დეკანოიძემ.
ცნობისთვის, ამ წუთებში, ავლაბრის მეტროსთან ოპოზიციის მიერ ორგანიზებული აქცია მიმდინარეობს. როგორც ნაციონალური მოძრაობის თავმჯდომარემ, ნიკა მელიამ აქციიის დაწყებისას განაცხადა საპროტესტო აქტივობა ყოველდღე გაიმართება.
ექსპრეზიდენტი გლდანის N18 მსჯავრდებულთა საავადმყოფოში 8 ნოემბერს, შიმშილობის 39-ე დღეს გადაიყვანეს. უკვე 45-ე დღეა, რაც მიხეილ სააკაშვილს შიმშილობა აქვს გამოცხადებული.
კომენტარები