“არ ვითხოვთ გამოცდილებას”- კომპანიები ვაკანსიებს აცხადებენ

ამ მძიმე პერიოდში, რომელიც მსოფლიოში კორონავირუსის გავრცელებამ შექმნა, რამდენიმე კომპანიამ საქართველოში მაღალი სამოქალაქო თვითშეგნება და პასუხისმგებლობა გამოიჩინია. ჩვენს ქვეყანაში ადამიანების ნაწილი უმუშევარი დარჩა, რადგან მათი ობიექტები დაიხურა. ასეთი ადამიანებისთვის რამდენიმე კომპანიამ მათ სამსახური შესთავაზა. გთავაზობთ კომპანიებს, რომლებშიც შეგიძლიათ დროებით დასაქმდეთ.

კორონავირუსის გამო დროებით უმუშევრებს GPC დასაქმებას სთავაზობს:

„გთავაზობთ პოზიციებს ჩვენს აფთიაქებსა და საწყობში, რომლებიც არ მოითხოვს სამედიცინო განათლებას და რომლებზეც შეგიძლიათ მოგვმართოთ დასაქმებისთვის:

ტექნიკური ასისტენტი აფთიაქში,
დიასახლისი აფთიაქში,
ამომკრეფი (საწყობში),
მუშა (საწყობში).

დაინტერესების შემთხვევაში შეგიძლიათ შეავსოთ სავაკანსიო განაცხადი ბმულზე: https://rb.gy/k0ou7h”, – აცხადებენ GPC-ში.

კარფური: 

„ძვირფასო მომხმარებლებო, იმ ადამიანებს ვისაც დასაქმება უნდათ კარფური საუკეთესო შესაძლებლობებს სთავაზობს.

ჩვენ არ ვითხოვთ გამოცდილებას, რადგან თქვენ შესაძლებლობა გექნებათ სამუშაო ადგილზევე შეისწავლოთ და დაეუფლოთ სხვადასხვა პროფესიებს!

ჩვენთან ყოველი ტრენინგ დღეც კი ანაზღაურებადია“ – წერია კარფურის განცხადებაში.

ასევე „ნიკორა სუპერმარკეტი“, „სპარი“, „დავით ტატიშვილის კლინიკა“ – ეს იმ კომპანიების ჩამონათვალია, რომლებმაც კორონავირუსის გამო, დაკეტილი სასტუმროების თანამშრომლების დროებით დასაქმების სურვილი გამოთქვა.

სამსახურის გარეშე დარჩენილი მოქალაქეების დროებით დასაქმების სურვილი „ნიკორა სუპერმარკეტმაც“ გამოთქვა. „ხარ დროებით უმუშევარი? – მოდი, „სპარში“, ჩვენ მზად ვართ, უზრუნველვყოთ თქვენი უსაფრთხო სამუშაო გარემო“, – ამ შინაარსის მოკლე ტექსტური შეტყობინება დააგზავნა დღეს „სპარმაც“.