არ ვაპირებ ვინმეს სკამი დავიკავო და ვიკინკლაო- საქმეს ანგარების გარეშე გავაკეთებ, – ამის შესახებ განცხადებას საქართველოს ყოფილი პრემიერ-მინისტრი ვანო მერაბიშვილი აკეთებს.
მისი თქმით, ის არავისთან აპირებს ანგარიშწორებას.
„გადაწყვეტილებას მაშინ მივიღებ, როდესაც მე ჩამოვყალიბდები. ეს საკითხი სერიოზულია. მჭირდება კონსულტაციები. მე ვიყავი 6 წელი და 9 თვე სრულ იზოლაციაში. ჩემი მხრიდან, ნებისმიერი ნაჩქარევი გადაწყვეტილება იქნებოდა არასერიოზული. ძალიან სერიოზულად ვუყურებ ჩემს ქვეყანას, მომავალს, რომ ასეთი მყისიერი გადაწყვეტილება მივიღო. ეს არ არის პოზიორობა. ეს არ არის თავის დაფასება. ეს საქმისადმი სერიოზული მიდგომაა.
ჩემთვის მიხეილ სააკაშვილის პოზიცია და რჩევები მნიშვნელოვანი იქნება. ისევე როგორც, სხვა ჩემი მეგობრების. არ ვაპირებ არავისთან ვიკინკლაო, ვინმეს სკამი დავიკავო. გავაკეთებ ჩემ საქმეს ანგარების გარეშე. არავის პირობას არ ვუყენებ”, – აცხადებს მერაბიშვილი „მთავარ არხთან”.
კომენტარები