აშშ-ს ელჩი საქართველოში კელი დეგნანი:
“იქმნება შთაბეჭდილება, რომ ყოველ დღე ახალ-ახალი მიზეზი ჩნდება. იყო თავდაპირველად გამჭვირვალობა. მაშინ, როდესაც არსებობს ძალიან დიდი გამჭვირვალობა იმასთან დაკავშირებით, თუ როგორ ხდება დახმარება საზღვარგარეთის ქვეყნებიდან. რაც შეეხება ამერიკულ კანონმდებლობას, მისი მიზნები საერთოდ სხვაგვარია. აქ შემუშავებული კანონპროექტი შეუშლის ხელს ქართველებს, რომ დაეხმარონ სხვა საზოგადოების წევრებს. სხვადასხვა მიმართულებით ეს ხელს შეუშლის ისეთ ორგანიზაციებს, რომლებიც მუშაობენ კლიმატის ცვლილებებზე, ბიზნეს ასოციაციებზე, იურიდიული დახმარების ორგანიზაციებს თუ სხვას.
ნათელია, რომ ეს კანონი ეხმიანება და არის მსგავსი რუსული კანონმდებლობისა. რომლის მიზანიც გახლდათ სამოქალაქო საზოგადოების სტიგმატიზაცია და განსხვავებული მოსაზრების გაჩუმება. ზუსტად ეს დავინახეთ რუსეთის მაგალითზე, რა ეფექტურად იმოქმედა ამ კანონმა, გააჩუმა სამოქალაქო საზოგადოება, განსხვავებული აზრი. საქართველომ ძალიან ბევრი იშრომა და იბრძოლა იმისთვის, რომ აეშენებინა დემოკრატიული ინსტიტუტები და დაეცვა ის ძირითადი თავისუფლების პრინციპები. ამიტომ საქართველოს დიდი ხნის პარტნიორები, როგორიცაა ამერიკის შეერთებული შტატები, ევროკავშირი, გაერო, სხვადასხვა ორგანიზაციები, გამოთქვამენ ამ საკითხთან დაკავშირებით შეშფოთებას, რადგან ეს ქვეყნისთვის, ინსტიტუტების მშენებლობისთვის ძალიან მნიშვნელოვანია. არ სჭირდება საქართველოს ეს კანონი”
კომენტარები