“არ შეიძლება ხალხს ქუჩაში ეძახდე და თან შამპანიურის ბოკლით ხელში კობახიძის სპექტაკლის მონაწილე იყო” – დავით ჭიჭინაძე

“ტრიბუნას” ლიდერი, დავით ჭიჭინაძე:

“ნამდვილად გმირები არიან და პატივს ვცემ ყველა იმ ადამიანს,  ვინც იდეის გამო შიმშილობს.

მაგრამ ამ რადიკალური პროტესტის პარალელურად, ოპოზიციის ლიდერები ხალხს არაფერს ეუბნებიან ამ ბრძოლის სანაცვლოდ მათ რას ჰპირდებიან, კონკრეტულად რა წვლილი ექნებათ ცვლილებების შემთხვევაში.

არადა ხალხს მართლა უნდა ცვლილება, ოღონდ მარტო მთავრობის არა, საკუთარი მდგომარეობის!

აი ამიტომ მინელდა მძლავრი საპროტესტო მუხტი და კიდევ იმიტომ, რომ ოპოზიცია არასწორედ წავიდა თავის ქმედებებში.

არ შეიძლება რადიკალურ ცვლილებებს ითხოვდე და იმავე დროს პარლამენტშიც იჯდე;

არ შეიძლება ადამიანებს რადიკალურ, ეკონომიკურ ცვლილებებზე კარგ ცხოვრებაზე ესაუბრებოდე და წამყვან ლიდერებად გვერდით ბანკირები დაიყენო!

ე.წ. მომავალ მთავრობად წარადგინო ისინი, ვინც თავისი არსით ახრჩობს ყველაფერს და დიდწილად ვის გამოც ვართ ამ მდგომარეობაში.

რადიკალური პროტესტისთვის ხალხს ქუჩაში ეძახდე და თან შამპანიურის ბოკლით ხელში კობახიძის სპექტაკლის მონაწილე იყო.

მითუმეტეს, რომ „კობახიძეების ოცნებამ“ ამ სპექტაკლის ნაწილი გახადა ისიც, რომ დღეს სააკაშვილი ფაქტიურად ჯოკერი გახდა მათ ხელში, რასაც წარმატებულად იყენებენ კიდეც.

და ამასობაში მთავარი – ქვეყანა დაიკარგა.

აღარავინ აპროტესტებს გაუსაძლის სოციალურ ფონს და ეკონომიკურ მდგომარეობას;

არც იმას, ქვეყანამ ფუნქცია რომ დაკარგა და ფაქტიურად გაქრა მსოფლიო რუკიდან;

რომ ადამიანებში სოლიდარობა აღარ არსებობს…”