პუბლიცისტი ნატი მეგრელიშვილი მიხეილ სააკაშვილის მხარდამჭერ აქციაზე სიტყვით გამოვიდა და განაცხადა, რომ არ სურს საქართველოს პრეზიდენტი მის თვალწინ მოკვდეს.
მისივე თქმით, არ სურს იყოს “იმ ერის წარმომადგენელი , რომელსაც უხარია საკუთრი პრეზიდენტების სიკვდილი..”.
“ადამიანი და ადამიანური ერთი და იგივე არ არის. ეს აქცია არის ადამიანური, არა პარტიული, არა პოლიტიკური. მე პირდაპირ ვიტყვი, რომ არ მინდა საქართველოს პრეზიდენტი ჩვენ თვალწინ მოკვდეს. ბევრი ამბობს დღეს რომ ის არ შიმშილობს, მაგრამ ეს იდიოტიზმია, მან შეიძლება 100 დღეც გაძლოს შიმშილით, მაგრამ. არ მინდა ვინმემ მისი სიკვდილით გაიხაროს, მე არ მინდა ჩვენზე მსოფლიომ ისაუბროს ამ კონტექსტით. მე მინდა მივმართო იმ პარტიებს, რომლებიც აქ არ არიან დღეს. მინდა მოგმართოთ, თქვენ გაგიხარდებათ, რომ. დააკავონ თქვენი ლიდერი და შიმშილობა დაიწყოს, ჩვენ კი არ მოვიდეთ იქ? კაი ბატონო, მაგრამ თანადგომა ყველას სჭირდება.
მე მინდა მიშამ იცოცხლოს, გამოვიდეს ცოცხალი. მე არ ვარ ისეთი გონებაშეზღუდული რომ ვთქვა, ისევ პრეზიდენტი გახდესო, არა, მაგრამ მე არ მინდა იმ ერის წარმომადგენელი ვიყო, რომელსაც უხარია საკუთრი პრეზიდენტების სიკვდილი.. ნუ გავაკეთებთ იმას, რომ. ერთ მშვენიერ დილას გავიღვიძოთ და ნატომ გვითხრას კარგად ბრძანდებოდეთ თქვე ველურებოო”,- განაცხადა პუბლიცისტმა ნათია მეგრელიშვილმა.
კომენტარები