“არ მაინტერესებს იმ ადამიანების აზრი, რომლებსაც შეუძლიათ თავისი თავი კიტრის, პომიდორის და ბადრიჯნის როლში დაინახონ” – ბურჯანაძე

პოლიტიკოსი, ნინო ბურჯანაძე, “ტვ პირველთან” ამბობს:

“ვერ ვხედავთ რა გვჭირს? დავდებილდით? როგორ შეიძლება ნორმალური ადამიანი ვერ ხედავდეს რა გვჭირს. საკუთარ მაცივრებს რომ აღებენ, ვერ ხედავენ რა გვჭირს? კოვიდის სტატისტიკას რომ ხედავენ, ვერ ხედავენ, რა გვჭირს? როდესაც გადმოწეულ საზღვრებს ხედავენ ყოველ დღე, ვოლსკივით და კობახიძესავით არ გაჩუმდებოდა, სხვათა შორის “პრორუსი” ბურჯანაძე და იმიტომაც ძალიან ბევრს არ აწყობდა ჩემი ხელისუფლებაში ყოფნა, რადგან იცოდნენ რუსებსაც, ამერიკელებსაც, ევროპელებსაც და ყველას ტვინს ამოვჭამდი იმ საკითხებთან დაკავშირებით, რაც ქვეყნის ტეროიტორიებს ეხება. ვერ ხედავენ, რა გვჭირს?

ახლა ვინც არის ქართული ოცნების მომხრე, მცირე ნაწილი შეიძლება იყოს მართლა პირადი ტრაგედიიდან გამომდინარე, ისე არის გამწარებული წინა ხელისუფლებიდან, რომ არაფერი არ უნდა და ასეთ ადამიანებსაც ვერ გავამტყუნებ მაგრამ ეს არ არის ის რაოდენობა, რაც დღეს ქართულ ოცნებას ხმას აძლევს, დანარჩენი ადამიანები, ვინც ქარულ ოცნებას ხმას აძლევს, ან არიან დასაქმებულები, ან არიან შეშინებულები, ან უბრალოდ თავს იმშვიდებენ, როდესაც ქვეყანას ივანიშვილის ბოსტნად აქცევენ და ადამიანები, რომლებსაც შეუძლიათ თავისი ქვეყანა ვიღაცის ბოსტნად აქციონ, და თავისი თავი კიტრის, პომიდორის და ბადრიჯნის როლში დაინახონ, არ მაინტერესებს იმ ადამიანების აზრი, რა თქმა უნდა პოლიტიკურ საკითხებზე, თორემ, როდესაც ხელისუფლებაში ვიქნებით, ყველას აზრი მნიშვნელოვანი იქნება.”