ჟურნალისტი, არჩილ გამზარდია:
“მხოლოდ ბოლო ორ დღეში, პრაქტიკულად უკუკავშირის არ არსებობის პირობებში, ხელისუფლება ორი დღეა ცარიელ კარში ისვრის ბურთებს წარმატებულად.
თითოეული ინსტრუმენტის პოტენციური შედეგებისა და ძალისხმევის ანალიზს ცალკე დავდებ, ეს უბრალოდ, მსუბუქი მიმოხილვაა ყურადღების კონცენტრაციისთვის.
შაბათი:
– ხელისუფლება წინ სწევს ე.წ. კანადური კანონის თემას. მომენტალურად ცდილობენ ოპოზიციონერების კომენტარებს თემაზე, რომლებიც სათანადო გაქარწყლებას ვერ ახერხებენ ამა თუ იმ მიზეზების გამო და ამას მოჰყვება შესაბამისი პროპაგანდისტული გაშლა ხელისუფლების მხრიდან. პროპაგანდაზე უკუკავშირი პრაქტიკულად არ არის.
– ერთ-ერთი სამოქალაქო აქტივისტის ოჯახს ესხმიან თავს ხელისუფლებასთან დაკავშირებული აგრესიული ჯგუფები, შემდგომ ამავე ჯგუფებში კეთდება განცხადებები, რომ აღნიშნული პირები სამოქალაქო პროტესტანტების მიმართ „შესაბამის“ ძალისხმევას მიმართვენ, რომელიც პრაქტიკულად განაცხადია სამოქალაქო დაპირისპირების პროვოცირებისა.
კვირა:
– განცხადებას აკეთებს ექს შს-მინისტრი აქციების მიზნების თაობაზე. ძველი ძალოვანის განცხადება ინტერპრეტირდება როგორც აქციის წარმმართველისა, რომელიც ხელისუფლების მოშორებას ცდილობს. ამას მოჰყვება კომპლექსური პროპაგანდა ხელისუფლებისა, რომლის მიზანი პროტესტის მარგინალიზაცია და დისკრედიტაციაა.
თუ დროზე არ გამოფხიზლდით, ხელისუფლება (ხელისუფლება რა, ხელისუფლების შემქმნელი) წინა დღეების პატარა მარცხისგან შექმნის თავის დიდ გამარჯვებებს. არ იცნობთ ბიძინას. ის მართლაც ჭკვიანი კაცია. ახლა ისე ატრიალებს სიტუაციას, სანამ გამარჯვების ხიბლში მყოფი ხალხი ზეიმობს, ბიძინამ შეტევა არა თუ მოამზადა, არამედ დაიწყო.
კომენტარები