არ დავბეჭდავ არაფერს, სადაც იქნება გამოსახული კულტურის სამინისტროს ლოგო და მადლობის სიტყვები! – გამომცემლობა “კალმოსანი”

გამომცემლობა “კალმოსანის” დამფუძნებელი, ხვიჩა ყალაბეგაშვილი:

“მოკლედ, მე ვის დავკარგვივარ, ან ჩემი გამომცემლობა, მაგრამ არ ვაპირებ არაფრის დაბეჭდვას, არც წიგნების და არც 4 ლიტერატურული პერიოდიკის (რომელსაც ვბეჭდავდი/დამიბეჭდავს), სადაც იქნება გამოსახული კულტურის სამინისტროს ლოგო და მადლობის სიტყვები (ბოდიში ავტორებთან და რედაქტორებთან)… ვინც მიცნობს, იცის რომ ჩემი საქმე არასოდეს გამომიყენებია ბერკეტად, ისეთი ადამიანები დამიბეჭდავს, გული რომ მერევა, პირდაპირი მნიშვნელობით… უფრო მეტიც მე რომ მლანძღავდნენ მთელი 20 გვერდი ეგეთი წიგნის ყდაზე მხატვართან ვარ ნარბენი, ფერი თუ დაჯდა…

ეს არც ახირებაა და არც კაპრიზი, არასოდეს ამირევია საქმე და პირადი შეხედულებები…

ამჟამინდელი მინისტრი და სამინისტრო პირდაპირ ომშია პროგრესთან, პირდაპირი მნიშვნელობით, ბოლშევიკური მეთოდებით ებრძვის მთელ თაობებს და ამკვიდრებს, რეტროგრადულ, დრომოჭმულ, სამარცხვინო, უგემოვნო სტანდარს, რაშიც ჩემივე კოლეგები ეხმარებიან ზოგი უტვინობით, ზოგიც ფულის გამო…

ეს არის ძალიან სახიფათო და ამაზრზენი თამაში, რომელში შეყოლასაც სთავაზობს ეს უბოროტესი ქალი მშიერ მწერლებს და საერთოდ ხელოვან ადამიანებს…

არ ვიცი, ხვალ რა იქნება, შეიძლება ისე გამოვიდეს, რომ სამართლიანობა, მეგობრობაზე და კოლეგიალურობაზე წინ დავაყენო, მთლად ჩამოვგლიჯო ფარდა, რომლის უკანაც იმალება დიდი სირცხვილი, რომელზეც დღეს მხოლოდ ვჩურჩულებთ, ამისთვისაც წინასწარ ვიხდი ბოდიშს…

კიდევ ერთხელ ბოდუში, მე ყველას ვაფრთხილებ, რომ თუ არ შეგიძლია იყო სამართლიანი და გულწრფელი, შეიძლება ჩემთან მეგობრობამ, ან საქმიანობამ გული გატკინოს…

კიდევ ერთხელ ბოდიში და მადლობა ყველას ვინც გამიგებს…”