“აქციებს შევუერთდებით მხოლოდ იმ შემთხვევაში, თუ ამ აქციაზე „ნაციონალური მოძრაობა“ დაშლას გამოაცხადებს” – იაგო ხვიჩია

გირჩის” ლიდერმა იაგო ხვიჩიამ განაცხადა, თუ რა შემთხვევაში შეუერთდებიან  სააკაშვილის გათავისუფლების მოხოვნით გამართულ აქციას:

“მიხეილ სააკაშვილის ციხიდან გათავისუფლების ყველაზე მოკლე გზა „ნაციონალური მოძრაობის“ დაშლაზე გადის. სხვანაირად, „ქართულ ოცნებას“ რომც უნდოდეს, გაუჭირდება ამომრჩეველს აუხსნას, სააკაშვილი ციხიდან რატომ გაათავისუფლა, მაგრამ „ნაციონალური მოძრაობის“ დაშლის შემდეგ ეს გასაგები იქნება. ოჯახს ვერ დავუშლი, სააკაშვილის გასათავისუფლებლად ყველაფერი გააკეთოს, ეს მათი ვალდებულებაც კი არის. ოჯახისთვის აქციების ჩატარებას ჯერ კიდევ აქვს აზრი. ეს წარმატებული რომ არ იყოს, მინიმუმ ახალი ნაბიჯების საჭიროება გახდება. აქციებს შევუერთდებით მხოლოდ იმ შემთხვევაში, თუ ამ აქციაზე „ნაციონალური მოძრაობა“ დაშლას გამოაცხადებს.”