“ენმ”–ის წევრი, გიორგი ბარამიძე, სოციალურ ქსელში, წერს:
“პირველ რიგში გავაკეთოთ ყველაფერი რაც მიშას და ნიკას დაუყოვნებლივ გათავისუფლებას სჭირდება.
ეს იყო და არის ჩემი უახლოესი ამოცანა და ეს უნდა იყოს ამოსავალი მიზანი, უახლოეს ხანში, ენმ-ს ყოველი მოქმედებისა.
…
მადლობა ვინც მეთანხმებით, და მადლობა ასევე იმ ჩვენს გულმხურვალე მომხრეებს ვინც მსაყვედურობს რომ სიტყვები არ კმარაო და “მოქმედებაა საჭიროო”.
ვიცი ყველას გვინდა მიშა საერთოდ ვერ დაეჭირა ამ პუტინისტების მოღალატურ რეჟიმს და ახლა კი ის გვინდა რომ შეგვეძლოს ამ წამსვე გავათავისუფლოთ, მაგრამ ცხოვრება ისეა, რომ ხშირად რაც გვინდა ის ვერ ხდება ან დროულად ვერ ხდება.
პოლიტიკოსის ძალა და ინსტრუმენტი (იარაღი) არის სიტყვა და სწორედ ამ ინსტრუმენტს ვიყენებ საქართველოშიც და როცა საზღვარგარეთ ვარ და მიშას, ნიკას და ყველა ჩვენი პოლიტპატიმრის გათავისუფლებაზე ვესაუბრები საქართველოს მოქალაქეებსა და საქართველოს მეგობარ უცხოელებს.
ესაა ჩემი მოქმედება, მიშას გასათავისუფლებლად ყველა აქციაში ვმონაწილეობდი და ვიმონაწილევებ, შიმშილობებიც გვქონდა მეგობრებთან ერთად და ევროპარლამენტისა და ევროპის საბჭოს საპარლამენტო ასამბლეის რეზოლუციაც და ამერიკის მხრიდან რეჟიმის კრიტიკა და ყველაფერ ამაში ენმ-ს და მეც, ჩემი შესაძლებლობების ფარგლებში, წვლილი გვაქვს შეტანილი.
ცხადია გვინდა რომ ამ ყველაფერს უკვე შედეგი ქონდეს გამოღებული, მაგრამ სამწუხაროდ ასე ვერაა, ამიტომ ვაპირებ ჩვენს თანამებრძოლებთან ერთად, ჩემი ბრძოლა მიშასთვის და საწართველოს გადასარჩენად გავაგრძელო სანამ მიზანს არ მივაღწევთ ყველანი ერთად.
თუ ვინმე ჩემგან მოქმედებაში ქვეყნის შიგნით პოლიტიკური მიზნის მისაღწევად, იარაღის აღებას ელოდება და ამას გულისხმობს, კიდევ ერთხელ ვიტყვი რომ ამას არასოდეს გავაკეთებ.
იარაღი მჭერია საქართველოსთვის გარეშე მტრის წინააღმდეგ ბრძოლაში ადრეც და უკრაინაშიც ისევ მხოლოდ საქართველოს მტრის წინააღმდეგ.
საქართველოში ამას არ არასდროს გავაკეთებ და არც პოლიტიკური მოვლენების ამ მიმართულებით განვითარებას შევუწყობ ხელს ოდესმე.
ქუჩაში აქციები (როგორც ავღნიშნე) კი იყო და იქნება მომავალშიც, მაგრამ მგონი ყველა გონიერ და რეალისტურად მოაზროვნე, ადამიანს გვესმის, რომ არც ათას კაციანი და არც მარტო თუნდაც ოცი ათას კაციანი აქციებით რეჟიმი მიშას არ გამოუშვებს.
მაგრამ ცხადია ესეც ჩვენი ბრძოლის საჭირო ელემენტია, თუმცა არა გადამწყვეტი.
ჩემი აზრით ახლა აუცილებელია და ყველაზე პრიორიტეტული ენმ-ს გაძლიერება, (ასევე მთელი დემოკრატიული ოპოზიციის გაძლიერება) და ჩვენი დასავლეთელი (ევროკავშირი და აშშ) მეგობრების მხრიდან ოლიგარქის რეჟიმზე ზეწოლის კიდევ უფრო გამძაფრება.
ბრძოლის ამ ეტაპზე სწორედ ამ “ფრონტზე” ბრძოლაში ვარ ჩართული და სწორედ ამ საქმით დაკავებას ვაპირებ უახლოეს ხანში.
ეს ის სფეროა სადაც მე მაქვს გამოცდილება და ცოდნა და ვთვლი რომ მიშას და საქართველოს გათავისუფლების საქმეს ასე უკეთესად ვემსახურები.
არ მაქვს პრეტენზია, რომ ყველაფერს იდიალურად ან უნაკლოდ ვაკეთებ.
მოგეხსენებათ, არ ვარ არც პარლამენტის წევრი და არც არანაერი რამე სრტუქტურის მანდატის მქონე, მაგრამ როგორც ენმ წევრი ვეცდები უკეთ გავაკეთო ჩემი საქმე და უკეთ ვიბრძოლო.
თუ ვინმეს ჩემზე უკეთესად და მეტის გაკეთება შეეძლება მე მის გვერდით დავდგები და დავეხმარები. ნეტა გამოჩნდეს ვინმე.
ერთმანეთის კიჟინითა და დამუნათებით კი, ეს საქმე უკეთ არ გაკეთდება.
ძალა ერთობაშია და ერთობით, მჯერა აუცილებლად გავიმარჯვებთ.
მტრის ჯინაზე მიშაც (ნიკაც და სხვა ჩვენი თანამებრძოლებიც) გადარჩება, გათავისუფლდება და ოლიგარქსაც ერთად დავამარცხებთ. “
კომენტარები