აქციების დროს დაკავებულმა ფრიდომ ბუბუტეიშვილმა ყაველაშვილს შეწყალების განცხადებით მიმართა, – ამის შესახებ სოციალურ ქსელში გიორგი რომელაშვილი წერს.
მისი თქმით, ბუბუტეიშვილმა ციხიდან თავად დაურეკა და სთხოვა, რომ მისი გადაწყვეტილების შესახებ ტელევიზიებისთვის ეთხოვა, რათა გავრცელებაში დახმარებოდნენ.
ფრიდონმა გადადგა ეს ნაბიჯი პირველმა, ახლა “ქართული ოცნების“ და მიხეილ ყაველაშვილის ნაბიჯის დროა, – წერს რომელაშვილი.
ორი დღის წინ დამირეკა ციხიდან ფრიდონ ბუბუტეიშვილმა, ბიჭმა რომელიც 2024 წლის 8 მაისის შემდეგ ციხეში იმყოფება… (2 წელი)
თავდაპირველად მითხრა რომ იმედია არ გამაკრიტიკებო, რაზეც ჩემი პასუხი იყო რომ არ გავაკრიტიკებდი მის არცერთ ნაბიჯს
❗️ფრიდონ ბუბუტეიშვილმა შეწყალებას ხელი მოაწერა!
არცერთმა ადამიანმა, არცერთი დღით მეტი არ უნდა გაატაროს საპატიმროში, როდესაც მისი ციხეში ყოფნა არც სამართლებლივადაა სწორი და საზოგადოების პოლარიზაციასაც მუდმივ რეჟიმში კვებავს.
ქართული ოცნების წევრები არაერთი განცხადების საპასუხოდ, რომ “ითხოვონ შეწყალება და შევიწყალებთ” ფრიდონმა გადადგა ეს ნაბიჯი პირველმა, ახლა ქართული ოცნების და მიხეილ ყაველაშვილის ნაბიჯის დროა.
გაათავისუფლეთ ფრიდონ ბუბუტეიშვილი და ნუ გაატარებინებთ ამ ბიჭს კიდევ 3 წელს ციხეში.
საქართველოს საპატრიარქო ❲ოფიციალური გვერდი❳- ქართველი ხალხის სულიერი კეთილდღეობა და მათი სიმშვიდე გარკვეულწილად თქვენი პასუხისმგებლობაცაა, ამიტომ განხეთქილების დასრულების დასაწყისად ითხოვეთ და მოუწოდეთ ქართულ ოცნებას უპასუხონ ფრიდონ ბუბუტეიშვილის ნაბიჯს და მოაწერონ შეწყალების აქტს ხელი. საჭიროების შემთხვევაში თავად შემიძლია გავესაუბრო საპატრიარქოს წარმომადგენელს ამ საქმის დეტალური შესწავლისთვის.
TV Pirveli • ტელეკომპანია პირველი, Formula • ფორმულა ფრიდონმა მოგმართათ თხოვნით, რომ გააშუქოთ მისი ეს გადაწყვეტილება, რათა ქართული ოცნების წევრებამდე მივიდეს მისი ხმა.
ცნობისთვის: ფრიდონ ბუბუტეიშვილს 5 წლიანი სასჯელი აქვს შეფარდებული და დღემდე ის პირველ პენიტენციურში სამარტოო საკანში იმყოფება, – წერს რომელაშვილი.
კომენტარები