ანჩისხატის თავის სახელობის ტაძარში დაბრუნებისთვის აქცია 5 ივნისს 15:00 საათზე მთავრობის კანცელარისთან დაანონსდა.
საპატრიარქოს საზოგადოებასთან ურთიერთობის სამსახურის უფროსი, ანდრია ჯაღმაიძე ამბობს, რომ ანჩისხატის თავისივე სახელობის ტაძარში დაბრუნების მოთხოვნით დაანონსებული აქცია მათთან შეთანხმებული არაა.
ჯაღმაიძე წერს, რომ ზაზა ნანობაშვილი თვითნებურად აკეთებს განცხადებებს ეკლესიის სახელით და რომ ის ცოტა ხნის წინ გაათავისუფლეს ანჩისხატის ტაძრის ეკონომუსის თანამდებობიდან.
“ვრცელდება განცხადება ანჩისხატის დაბრუნების მოთხოვნით აქციის შესახებ, გაცნობებთ რომ, ეს განცხადება და აქცია არ არის შეთანხმებული საპატრიარქოსთან.
ბატონი ზაზა ნანობაშვილი თვითნებურად აკეთებს რიგ განცხადებებს საპატრიარქოს და ეკლესიის სახელით და ადამიანები შეჰყავს შეცდომაში. იგი, რიგი გადაცდომების გამო, ცოტა ხნის წინ განთავისუფლებულ იქნა ანჩისხატის ტაძრის ეკონომუსის თანამდებობიდან და უკანასკნელ პერიოდში მოქმედებს სრულიად დამოუკიდებლად”, – წერს ანდრია ჯაღმაიძე.
კომენტარები