“აქ ყველა ტყუის” – გიული ალასანია

“ვივა მედიდან” გამოსული მიხეილ სააკაშვილის დედა, გიული ალასანია ამბობს, რომ მდგომარეობა კრიტიკულია, სააკაშვილი 68 კილოს იწონის, მედიკოსებს კი საზოგადოება შეცდომაში შეჰყავთ.

“ეს ტყუილები იმიტომ ხდება, რომ ადამიანია რის მოწამლული. აი ეს არის პრობლემა, დანარჩენი პრობლემა მომდინარეობს ამ მოწამვლიდან. აქ ყველა ტყუის. ვიცით, რომ ამ ქვეყანაში ერთი ადამიანი იღებს გადაწყვეტილებას (ივანიშვილი). უშუალოდ ამათთან ვის აქვს კავშირი არ ვიცი, მე ზოგადად ვამბობ. მედიკოსები ზეწოლის ქვეშ არის, მეც ამ ტყუილებში ხომ არ მივიღებ მონაწილეობს, მთელი ვერტიკალი ტყუის. გონების დაკარგვას აქვს დამოწმობა, ჩაწერა ხდება. საერთოდ უარყოფენ, საერთოდ არ მომხდარაო და როგორ არ მომხდარა, ამას ჰყავს მოწმე სანიტარი და რა თქმა უნდა საბადრაგო სამსახური. ადამიანს, რომელსაც ჰქონდა 120 კგ წონა, დღეს აქვს 68 და დაიწყო კახექსიის ძალიან სწრაფი პროცესი. რეანიმაციაზე საუბარი აღარ არის, მიერთებულია ადამიანი მთელი ღამე და პალატაში მთელი ღამე ექთანი უზის. არ უნდათ აღიარონ, რომ ის არის ძალიან მძიმე და გადასაყვანია. ეს არის პრობლემა, რომ არ უნდათ გადაყვანა. ამბობენ, არა, არაუშავს, ჩვენ თვითონ. ხომ ვხედავთ, „თვითონ“ რა შედეგსაც ვიღებთ. ორგანიზმი ჩამოიშალა მთლიანად და ამას არაფერი და ეს თუ არის საშუალო სიმძიმის ავადმყოფი, მაშინ მე არ ვიცი მძიმე ავადმყოფი რა არის”