“აფთიაქში 90 ლარი დავტოვე, მარკეტში 50 ლარი 5 ლარივითაა – როგორც ჩანს, „უფასო“ გაუფასურებულ ფულს ნიშნავდა” – ნანა ბუთხუზი

მსახიობი ნანა ბუთხუზი ჟურნალთან „გზა“ ამბობს:

„ამას წინათ აფთიაქში შევედი და სულ უბრალო წამლებში 90 ლარი დავტოვე, მარკეტში შევდივარ და 50 ლარი ხუთი ლარივითაა – წამებში ქრება. ესეც თქვენი უფასო ფული, რომელსაც გვპირდებოდნენ. როგორც ჩანს, „უფასო“ გაუფასურებულ ფულს ნიშნავდა.

მომიტევეთ, მაგრამ ყოველთვის მეცინებოდა იმ ადამიანებზე, რომლებმაც ეს იაფფასიანი ტყუილები დაიჯერეს. ამ მიამიტობის შედეგად რა მივიღეთ? – გაზულუქებული, მილიონერებად ქცეული მინისტრები, თანამდებობის პირები და გასაცოდავებული ხალხი – ნუთუ, ეს ნორმალური სიტუაციაა?! ნუთუ, ამ ტყუილსა და სიღატაკეში ცხოვრება ვინმეს მოსწონს?! 1990-იანი წლები მაქვს გამოვლილი, როცა არაფერი იყო ისეთი გამობრძმედილი ვარ, ყველაფერს ვუძლებ, მაგრამ არ მინდა, ახალმა თაობამ ჩვენი გზა გამოიაროს…“