Amnesty International შეშფოთებულია, რომ საქართველოს ხელისუფლება არ ასრულებს მოვალეობას, უზრუნველყონ სამცხე-ჯავახეთის მთიან რეგიონში, ნინოწმინდის პანსიონში ალტერნატიული მზრუნველობის ქვეშ მყოფი ბავშვების ეფექტური დაცვა.
ორგანიზაციის მიერ გავრცელებულ განცხადებაში აღნიშნულია, რომ საქართველოს ხელისუფლებამ უნდა უზრუნველყოს ყველა ბავშვის უსაფრთხოება საქართველოს მართლმადიდებელი ეკლესიის მიერ მართულ ნინოწმინდის სკოლა-ინტერნატში ბავშვთა ბოროტად გამოყენების შესახებ, სექსუალური ძალადობის ჩათვლით.
„ყველა ბრალდება საფუძვლიანად უნდა იქნას გამოკვლეული, საერთაშორისო სტანდარტების შესაბამისად, ბავშვის საუკეთესო ინტერესების დასაცავად. გამოძიებამდე, ხელისუფლებამ უნდა უზრუნველყოს ან სავარაუდო დამნაშავეების ან დაზარალებულთა დაუყოვნებლივი მოცილება არსებული გარემოდან.
საქართველოს ეკისრება საერთაშორისო ვალდებულება, მიიღოს ყველა სათანადო ზომები ბავშვების დასაცავად, მათ შორის ალტერნატიულ მზრუნველობაში მყოფი პირები, ნებისმიერი სახის ფიზიკური ან ფსიქიკური ძალადობისგან, დაზიანებისგან, ძალადობისგან, არასათანადო მოპყრობის ან ექსპლუატაციისა და სექსუალური ძალადობისგან. ამგვარი დამცავი ღონისძიებები მოიცავს ბავშვთა მიმართ არასათანადო მოპყრობის შემთხვევების პრევენციისა და იდენტიფიცირების, ანგარიშგების, რეფერენციის, გამოძიების, მკურნალობისა და შემდგომი ეფექტურ პროცედურებს“, – აცხადებენ ორგანიზაციაში.
კომენტარები