პოლიტიკოსი, გიგი უგულავა, რომელიც გუშინ თავისუფლებაზე გამართულ აქციაზე სიტყვით გამოვიდა, “რადიო თავისუფლებასთან” ამბობს:
“„ამ თემაზე უკვე დავდე პოსტი განმარტება. შეგიძლიათ იხელმძღვანელოთ. მეტს ვერაფერს დავამატებ, გარდა იმისა, რომ ამერიკის პროტოკოლით, აცრილზე 7-8 დღეა და მე ამით ვხელმძღვანელობ და არა ამ აფერისტების მიერ მოგონილი დრაკონული სისულელეებით“.
აქციის დასრულების შემდეგ მან სოციალურ ქსელში გააკეთა განმარტება, თუ როგორ აღმოჩნდა ინფიცირებიდან მეშვიდე-მერვე დღეს იზოლაციის მიღმა:
„სიმპტომები აღარ მაქვს, აღარც გადამდები ვარ, სწრაფმა ტესტმაც უარყოფითი აჩვენა და ექიმთან კოსულტაციის შემდეგ გადავწყვიტე, ვყოფილიყავი აქციაზე, ხალხთან ერთად. ქოც ტროლ-ბოტ-პროპაგანდონების საყურადღებოდ: ასე აღტკინებული მაშინ რომ ყოფილიყავით როცა აცრის მოწოდების ბანერების ნაცვლად სისხლიან ბანერებს კიდებდა მთავრობა, აშკარად უკეთესი ეპიდ-სურათი გვექნებოდა. სასაკლაო მოაწყო ღარიბაშვილმა ქვეყანაში, რომ ანტივაქსერი ქოც ამომრჩეველი არ გაენაწყენებინა. სამარცხვინო ხართ და ამორალურები. მე კი მოგიწოდებთ, მეგობრებო, ავიცრათ. სწორედ აცრის გამო გადავიტანე კოვიდი იოლად და არც გარშემო არავის გადავდე, რადგან ყველა აცრილი იყო. აიცერით! აიცერით! აიცერით!“
კომენტარები