ანალიტიკოსი ხათუნა ლაგაზიძე:
ამ წუთებში უაღრესად საინტერესო და იმედისმომცემი მოსმენები მიმდინარეობს ამერიკის სენატში შავი ზღვის უსაფრთხოების და რეგიონში ამერიკის ინტერესების დაცვის თაობაზე. საუბარი უკრაინისა და საქართველოს ნატოში გაწევრიანებაზეც მიდის, რაც შავი ზღვის მშვიდობისა და უსაფრთხოებისთვის აუცილებელიაო.
უკრაინა-საქართველოს ნატოში გაწევრიანების საკითხში ჩვენი შიშები კი არ უნდა გვამოძრავებდესო: რას იზამს რუსეთიო, არამედ ჩვენი სტრატეგია უნდა დავდოთო და დავძლიოთ ევროპის გაყოფა ამ საკითხშიო.
უნიკალური შესაძლებლობის ფანჯარა იხსნება საქართველოსთვის, რომელსაც პატრიოტი და გონიერი ხელისუფლება საუკეთესოდ გამოიყენებს. ისაუბრეს ამერიკის, როგორც სანდო პარტნიორის იმიჯის შერყევაზეც რეგიონის ქვეყნებში რუსეთის პროპაგანდის გამო, თუმცა, ისიც ითქვა, რომ ამერიკამ შეამცირა დამოუკიდებელი მედიის და სხვა დემოკრატიული ინსტიტუტების ხელშეწყობა ამ ქვეყნებში, რაც გამოსასწორებელია.
ითქვა ისიც, რომ რეგიონის ქვეყნები იმედგაცრუებულები არიან ამერიკის არათანმიმდევრული საგარეო პოლიტიკით. დღევანდელი მიდგომები უკრაინა-საქართველოსთან მიმართებაში ეფექტური არ არის რუსული აგრესიის შესაკავებლადო. მეტი სამხედრო დახმარება, ამერიკის მეტი ინსტიტუციური ყოფნაა საჭირო ამ ორ ქვეყანაშიო.
ისაუბრეს 3 ზღვის ინიციატივაზეც. წყნარი ოკეანის რეგიონისკენ ჩვენი ინტერესების გადანაცვლებამ უყურადღებოდ არ უნდა დაგვატოვებინოს შავი ზღვის რეგიონიო. ზედმიწევნით საინტერესო გამოსვლებია. თანდათან დაგაწევთ დეტალებს. სულ ახლახანს ისაუბრეს საქართველოში დემოკრატიისგან უკუსვლაზე, სასამართლო სისტემაში არსებული პრობლემების ჩათვლით, თუმცა ხაზი გაუსვეს, რომ ჩვენ კი არ უნდა მივატოვოთ ამის გამო საქართველო, არამედ ხელი შევუწყოთ დემოკრატიისკენ მიბრუნებაშიო.”
კომენტარები