“ამ კაცის დეიდამ გაათავისუფლა დღეს ციხიდან წულაია…” – ლევან ნიკოლეიშვილი

ექსპერტი ლევან ნიკოლეიშვილი, პოლიტიკოს გოგი წულაიას პატიმრობიდან გათავისუფლებას, სოციალურ ქსელში ეხმაურება და “ოცნების” გუნდს “მონა” მოსამართლეების ყოლაში ადანაშაულებს:

„აბა თუ გამოიცნობთ, ვინ გაათავისუფლა დღეს ციხიდან ქალზე მოძალადე გოგი წულაია? თან იმ პირობებში, როდესაც ქალთა მიმართ და ოჯახურ ძალადობაზე როგორც პროკურატურას, ასევე, სასამართლო კორპუსს აქვს უმკაცრესი მიდგომა? მოსამართლე ლიანა ორკოდაშვილმა, რომელიც „ნაცმოძრაობის“ მონა მოსამართლის, 2006 წლიდან 2016 წლამდე საქართველოს უზენაესი სასამართლოს სისხლის სამართლის საქმეთა პალატის თავმჯდომარე და უზენაესი სასამართლოს თავმჯდომარის პირველი მოადგილის, ზაზა მეიშვილის დეიდაა!!!!

იმ კაცის დეიდამ გაათავისუფლა დღეს ციხიდან მოძალადე წულაია, რომელიც ყველა დროში უპირობოდ ასრულებდა „ნაცმოძრაობის“ ლიდერების მითითებებს. თუ რატომ გაათავისუფლა, დასკვნები თქვენთვის მოგვინდვია… ფაქტი ერთია, ამიტომ იკლავენ თავს ნაცები სასამართლოს თემაზე, რომ შეინარჩუნონ მათი მოსამართლეები სისტემაში და კიდევ უფრო გააძლიერონ ეს კლანი!“

“ალია” შეგახსენებთ, გოგი წულაიას ბრალი არ არის დამტკიცებული.

მას დღეს გირაო შეუფარდეს პატიმრობის სანაცვლოდ და როგორც მისი ავდოკატი ამბობს, მოსამართლემ თქვა:

“რადგან ჯიშკარიანს შევუფარდე გირაო, ანუ ხელისუფლებიდან, ანალოგიურ მუხლზეო და რადგან ოპოზიციის წარმომადგენელია გოგი წულაიაო, არც მას დაჩაგრავ და გირაოს შევუფარდებო”