ჟურნალისტი, ნინო ჯანგირაშვილი, საქართველოში რუსული ნავთობის შემოსვლას, გადასამუშავებლად, ეხმაურება და წერს:
ძაან მაგარ ამბებში ვიჩითებით. გილოცავთ ყველას. რუსული ნავთობის პირველი პარტია შემოვიდა საქართველოში გადასამუშავებლად. უნდა აღვნიშნოთ რამენაირად
ამ ესთეტიკურ კაზუსს თურმე რა მარტივი და ბანალური ახსნა ქონია. მაკა ასათიანის ქარხანაში რუსული ნავთობი შეგრიალდა. როიტერსი ამბობს, მე არა.
ცნობისთვის, კომპანია “ბლექ სი პეტროლიუმის” დამფუძნებელი და ძირითადი აქციონერი (70.7%-ის წილით) ბიზნესმენ მაკა ასათიანის საკუთრებაში არსებული კომპანია “მკ კაპიტალია”. რაც შეეხება “ბლექ სი პეტროლიუმის” 29.3%-იანი წილის მფლობელ კომპანია “დუნამისს”, ის 2022 წელს არის დაფუძნებული და 2024 წლის ბოლომდე სხვა სახელით – “მკისა ალმონდის” სახელით ოპერირებდა. კომპანიის 100%-იანი წილის მფლობელია ბიზნესმენი დავით ფოცხვერია, რომელიც ამავდროულად სოფლის მეურნეობის სფეროში მომუშავე “მკისა ჯგუფის” კომპანიების აქციონერია.
დღეს გახდა ცნობილი, რომ ეკონომიკის ყოფილი მინისტრი ლევან დავითაშვილი ყულევში მშენებარე ნავთობგადამამუშავებელი ქარხნის “ბლექ სი პეტროლიუმის” სამეთვალყურეო საბჭოს თავმჯდომარედ დაინიშნა. სამეთვალყურეო საბჭოს წევრები ასევე არიან ბიზნესმენი კოტე გოგელია და ვახტანგ ჩახნაშვილი.
რუსეთმა ქართულ ქარხანაში ნავთობის პირველი პარტია გაგზავნა – Reuters
კომენტარები