“ნოდარ მელაძის საბათის” ინფორმაციით, თავდაცვის სამინისტრომ 2022 წლის 23 სექტემბრიდან 26 დეკემბრამდე, კომპანია Apple-ის წარმოებული 12 iphone შეიძინა, და ჯამში 51 ათას ლარზე მეტი გადაიხადა.
აღსანიშნავია, რომ 2022 წლის 13 სექტემბერს, კორპორაცია “ეფლმა”, აიფონ 14-ის მოდელი წარმოადგინა. პრეზენტაციიდან ათ დღეში კი საქართველოს თავდაცვის სამინისტრომ, “ეფლ სითისგან” 4 აიფონ 14 პრო იყიდა. ოთხივე შავი, ჯამში 18 ათას 396 ლარად.
კანონის თანახმად, თავდაცვის სამინისტრო ვალდებული იყო, 51 ათას ლარად, ბოლო მოდელის აიფონების ყიდვის დოკუმენტაცია შესყიდვების სააგენტოს ელექტრონულ პორტალზე აეტვირთა, თუმცა საბუთები გააქრეს.
მხოლოდ ორი კონტრაქტით, რომელიც თავდაცვის სამინიტრომ 2022 წლის ოქტომბერსა და დეკემბერში გააფორმა, ჯარის ფულით სამინისტროს, 44 კილოგრამი ყავა და კიდევ 1560 ყავის კაფსულა აქვს ნაყიდი.
მედიის მტკიცებით, მინისტრმა 2022 წელს 1562 ბოთლი ღვინო, 420 ბოთლი არაყი, 30 ბოთლი მუხაში დავარგებული ჭაჭა და 20 ბოთლი სარაჯიშვილის კონიაკი იყიდა.
ასამდე კონტრაქტში, რომელიც თავდაცვის მინისტრმა არ გაასაჯაროა, არის “გუდვილთან” და “კარფურთან” გაფორმებული ხელშეკრულებებიც, მაგალითად, ერთი შოპინგი გუდვილში 60 ათასი ლარი დაჯდა. “კარფურშივე” შეუკვეთეს სასაჩუქრე კალათებიც. 170 საახალწლო სასაჩუქრე კალათის დამზადება, 17 ათას 714 ლარი დაჯდა.
კომენტარები