ჟურნალისტი, ირაკლი ტაბლიაშვილი:
“ჩანს, სტატუსს მოგვცემენ!..
მთავრობა ეცდება, საკუთარ წარმატებად გაასაღოს ეს ამბავი!.. თუმცა, ევროპას აქვს შესაძლებლობა, სტატუსის მოცემის მოტივაცია იყოს ნათელი და მკაფიო, რაც მთავრობას შეუმცირებს თვითპიარის შესაძლებლობას!
მეორე მხრივ, უნდა ვიცოდეთ, რომ თავისთავად კარგი ამბავი, სტატუსის მიღება, ჩვენი მხოლოდ შუალედური ამოცანაა! რეალურ ამოცანა/მიზანს – ევროკავშირში შესვლას, ვერ მივაღწევთ ამ ხელისუფლების პირობებში! ამიტომ, ხელისუფლება შესაცვლელია ასეც და ისეც.
უნდა ვიცოდეთ ისიც, რომ უკრაინა და მოლდოვა მაინც წინ იქნებიან! მალე მათ მოლაპარაკებათა თავებს გაუხსნიან! ჩვენ – არა და ვერა!
… მაგრამ ახლა ამაზე არ ვწერ! NATO უფრო მაინტერესებს ამჯერზე! დღეს ხომ 4 აპრილია? ალიანსი ხომ 74 წლის გახდა?
ვილნოუსში ხომ სამიტია მალე?
ჩამი ან ჩუმი გაგიგიათ საკითხზე – რას ვშვრებით? არა! გასაგებია, რომ წევრები ვერ ვხდებით ახლავე! მაგრამ… ჩამი? ჩუმი?
მაგალითად, ნათელი ჩანაწერი, რომ map აღარ გვჭირდება! (აი, ფინეთის მაგალითი)… ან, კრწანისის ცენტრის გაფართოების თაობაზე გადაწყვეტილება!…
რას ვშვრებით-მეთქი, ეს ვიკითხე ისე, თითქოს არც ვიცოდე, რომ ხელისუფლებას ეს ამბავი სრულიად მივიწყებული აქვს!
არადა, ალიანსელობა, მომიტევეთ ევროკავშირელებისტებმა და, სამჯერ მნიშვნელოვანია!”
კომენტარები