,, ახლა წესით კაბებსა და ვარცხნილობებს უნდა ვარჩევდე გამოსაშვებისთვის… მაგრამ იზოლატორისთვის წიგნებს ვარჩევ” – თაკო გვილია

აქტივისტი თაკო გვილია სოციალურ ,,ქსელში წერს:

,,დღეს 15 ივლისია.

ახლა წესით კაბებსა და ვარცხნილობებს უნდა ვარჩევდე საქართველოს ეროვნული უნივერსიტეტი სეუ -ს გამოსაშვებისთვის, მაგრამ სწავლის დასრულებამდე ერთი კვირით ადრე, დალურჯებული გამომიშვა ჩემმა უნივერსიტეტმა.

და ერთადერთი, რასაც ახლა ვარჩევ — ის წიგნებია, რომლებიც იზოლატორში წამყვება.

დიდი არაფერი.

უბრალოდ, ის პატარ-პატარა ცხოვრებისეული მომენტები, რაც ამ ბრძოლას შეეწირა, მაინც მნიშვნელოვანი იყო.

ხვალ თათიას აქვს სასამართლო.
ზეგ — მე.
მისი განაჩენი ჩემი განაჩენიც იქნება.

შეიძლება არც დაგვაპატიმრონ.
მაგრამ საქმე ამაში არ არის.

საქმე იმაშია — რატომ უნდა გამეტარებინა ბოლო ერთი კვირა ამაზე ფიქრში?
რატომ უნდა მომემზადებინა ემიგრანტი მშობლები იმისთვის, რომ შეიძლება შვილი იზოლატორში ნახონ?

ასე მიდის ცხოვრება საქართველოში.

2 პარალელურ საქართველოში

სადაც ერთში ქუდებს აყრიან
მეორეში კი მე ვიქნები 4 კედელში.

საბოლოოდ კი მაინც
,,იმ ბედნიერ დღეს გაუმარჯოს, როცა ჩვენ გავჩნდით ამ ქვეყანაზე! “