გაერთიანებული ოპოზიციის ბათუმის მერობის კანდიდატი გიორგი კირთაძე დატრიალებული ტრაგედიის გამო საარჩევნო კამპანიას აჩერებს. როგორც კირთაძე სოციალურ ქსელში გავრცელებულ განცხადებაში აღნიშნავს, ბათუმი დაღუპულ თანამოქალაქეებს გლოვობს და ახლა პოლიტიკური პაექრობის დრო არ არის:
“ჩვენს ქალაქში უმძიმესი ტრაგედია დატრიალდა.
ბათუმი დაღუპულ თანამოქალაქეებს გლოვობს.
ახლა, პაექრობის და პოლიტიკური განცხადებების დრო არ არის. ამიტომ, მივიღეთ გადაწყვეტილება, დროებით შევაჩეროთ საარჩევნო კამპანია.
ვუსამძიმრებ ოჯახებს, ბათუმს და სრულიად საქართველოს.
არ შემიძლია, მადლობა არ გადავუხადო სამაშველო სამსახურის ყველა თანამშრომელს დაუღალავი და თავდადებული შრომისთვის. სამუშაოები გრძელდება და იმედს არ ვკარგავთ, რომ ცოცხლებს ამოვიყვანთ ნანგრევებიდან”,- წერს გიორგი კირთაძე სოციალურ ქსელში.
შეგახსენებთ, ბათუმში მომხდარი ტრაგედიის შედეგად 6 ადამიანი გარდაიცვალა, ერთი მართვით სუნთქვაზე იმყოფება, ხოლო სამი დაკარგულის სამძებრო სამუშაოები ამ დრომდე მიმდინარეობს.
კომენტარები