“ახლა გვმართებს გონიერება, სიმშვიდე, არაფერი ახლა საისტერიო არ არის” – თაკო ჩარკვიანი

პოლიტიკოსი, თაკო ჩარკვიანი, მთავარი არხის ეთერში, ამბობს:

“მინდა მოსახლეობას მივმართო, სიმშვიდე, არაფერი განსაკუთრებული არ არის, ნიკა ზუსტად ის მებრძოლია,რომელიც მთავარი იქნებოდა ივანიშვილის კალათაში სავაჭროდ. ეს დამთავრდება კეთილად, საქართველოს დამოუკიდებლობის გზაზე. გუშინწინ ვთქვი, ვინმემ არ იფიქროთ, რომ ეს მხოლოდ ნიკა გვარამიას დაკავება არაა, ვინც გზაზე ეღობებოდა, იმით უნდა ევაჭრა… დროში მოყვა ცუდად ნიკა გვარამია, შეიძლებოდა ეს ვერ მომხდარიყო, რადგან ძალიან მალე დაედება სანქციები ივანიშვილს. მოუწევს მისი გათავისუფლება, სხვაგვარად არც იფიქროთ. ახლა გვმართებს გონიერება, სიმშვიდე. არ ვაკლებ მე ოპოზიციას, როცა გაღიზიანებული ვარ. სულელი სწავლობს თავის შეცდომებზე, ჩვენ ბევრი შეცდომები მოგვივიდა, ახლა ამის დრო აღარ გვაქვს, ჩვენ რედისონში ვიკრიბებით 6 საათზე პარტიები, იქ ვილაპარაკებთ, რას ვთვლით, როგორი შეფუთვა იქნება, ათი თვალი მეტია, ვიდრე ერთი – ერთმანეთს უნდა მოვუსმინოთ. ამბიციები უნდა გადაიდოს უკან, თუ ვიღაცა არ მოგვწონს, ის ვიღაცა გაიწევა სტრატეგიული დაგეგმარებიდან.

ამ ჩარჩი ივანიშვილის ვის უნდა ეშინოდეს? ჩარჩის ვის შეეშინდება? არაფერი ახლა საისტერიო არ არის, დამოუკიდებლობისთვის და ბრძოლისთვის უნდა გავერთიანდეთ.”