ჟურნალისტი, არჩილ გამზარდია, რუსთაველზე, აქციის დაწყებამდე გადაღებულ ფოტოს აქვეყნებს, სადაც მეუღლესთან ერთადაა და წერს:
“10 წლის რომ ვიყავი, 89-ში, პატარა ვიყავი, მაგრამ აპრილის დღეებში რამდენჯერმე ვიდექი აქ, რადგან ხალხი თავისუფლებას ითხოვდა ჩვენი მომავლისათვის. შემდეგ კიდევ რამდენჯერმე ვიყავი, იშვიათად, მაგრამ მაინც, უკვე უფლებებისათვის და ძალადობის წინააღმდეგ. შემდეგ გავიდა წლები და აღარ მეგონა თუ თავისუფლების შენარჩუნებისათვის და ნომინალური უფლებისათვის ისევ დასჭირდებოდა ხალხს ბრძოლა.
ჯერ ვერ წამოვიდა თაობა, რომელსაც ელემენტარულის ბრძოლისათვის კვლავ რუსთაველზე დგომა არ უწევს.
დღეს მარტო აღარ, ჩემს პირველ ნახევართან ერთად ვარ, რომ ხვალ ჩემს შვილებს და მომავალ თაობებს არ დასჭირდეს რუსულ მარწუხებსა და ძალადობრივი ხელისუფლებებთან ბრძოლა, უნდა შევქმნათ და დავიცვათ დემოკრატია და ჩვენი ქართულობა, რომლის დაცვის გზაც ევროკავშირზე გადის.”
კომენტარები