ადვოკატები იძულებულნი გახდნენ, მოსამართლისთვის ირონიული ღიმილისგან თავის შეკავება ეთხოვათ

მოგიწოდებთ, სახე შეინარჩუნოთ, – ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს.

ადვოკატმა მოსამართლეს უთხრა, რომ წინა სხდომაზე, როდესაც რამდენიმე ადვოკატი ამბობდა დასკვნით სიტყვას, მის სახეზე ირონიული ღიმილი და მიმიკები იყო და მოუწოდა მსგავსი საქციელისგან თავი შეეკავებინა.

ადვოკატი: თქვენს სახეზე ძალიან ხშირად ვხედავ ირონიულ ღიმილს და ძალიან ვღიზიანდები, მაგრამ პატივს ვცემ ჩემს პოზიციას, სინდისის პატიმრებს და არ მინდა ყველა ჯერზე თქვენი სახე დავაფიქსირო. თქვენ თქვით, რომ ვმუშაობთ ყველა. მე გითხარით, რომ თუ სასამართლო სრული დატვირთვით არ იმუშავებს, ჩვენ დავტოვებდით ამ სხდომას. ჩვენ გავალთ თუ არ გავალთ ამას არ აქვს პრობლემა. სად არის სახაზინო ადვოკატი სალომე არდოტელი? სად არის ესწრება სხდომას? ეგებ გამოჩნდეს? იქნებ რამის თქმა უნდათ სინდისის პატიმრებს?

მოსამართლე: დისტანციურად ერთვება

ადვოკატი: ვიცით, უკვე რასაც გააკეთებს სასამართლო, თქვენი ხელმძღვანელობით.. აქედან გამომდინარე, რადგან პატივს ვცემ სინდისის პატიმრებს და დამსწრე საზოგადოებას, რომელიც დარბაზშია, გადაწყვეტილება, რომელიც ჩვენ გვქონდა, რომ დარბაზი უნდა დაგვეტოვებინა, ჩვენ ვრჩებით დარბაზში, მაგრამ სირცხვილი თქვენ.

მოსამართლე: შეურაცხმყოფელი ხომ არაა მსგავსი ტერმინოლოგიის გამოყენება სასამართლოს კონტექსტში?

ადვოკატი: შეურაცხმყოფელი ეს არ არის, როცა წინა სხდომაზე რამდენიმე ადვოკატი ამბობდა დასკვნით სიტყვას, თქვენს სახეზე ირონიული ღიმილი, მიმიკები… მოგიწოდებთ შეინარჩუნოთ სახე და ირონიული ღიმილი ნუ იქნება თქვენს სახეზე, როცა ჩვენ ვსაუბრობთ, სიმშვიდე შეინარჩუნეთ

მოსამართლე: უხერხულია, ის რომ მოსამართლის სახე არ მოგწონთ, მსგავსი კომენტარის გაკეთების უფლებას ,ეს არ გაძლევთ.

წყარო – ტვ პირველი