აშშ-ს საკვებისა და წამლების ადმინისტრაციამ 12-15 წლის მოზარდებში კორონავირუსზე ფიზერ-ის ვაქცინის გამოყენება დაუშვა.
ამის შესახებ ინფორმაციას, CNN-ი ავრცელებს, გადაწყვეტილება FDA-მ ორშაბათს მიიღო.
CNN-ის ცნობით, ეს პირველი ვაქცინაა აშშ-ში, რომელიც პატარა ასაკის მოზარდებში დასაშვები გახდა. მანამდე პრეპარატი 16 წლის ზემოთ პირებისთვის გახდა ხელმისაწვდომი. რაც შეეხებათ მოდერნა-სა და ჯონსონ-ჯონსონ-ის ვაქცინებს მათი გამოყენება 18 წლის ზემოთ პირებისთვის არის დასაშვები.
FDA-ს აღნიშნული გადაწყვეტილება კომპანიის მიერ ჩატარებულ კლინიკურ ტესტირებას ეფუძნება, რომელშიც 12-დან 15 წლამდე 2 260 მოზარდი მონაწილეობდა. კომპანიის განცხადებით, კვლევაში ვაქცინამ 100%-იანი ეფექტიანობა აჩვენა და უსაფრთხოება დაამტკიცა.
აშშ-ის საკვებისა და წამლის ადმინისტრაციაში აცხადებენ, რომ მოზარდებში ვაქცინამ კიდევ უფრო მაღალი ეფექტიანობა აჩვენა, ვიდრე 16-25 ასაკობრივ ჯგუფში, უსაფრთხოების ნაწილში კი იდენტური შედეგები ჰქონდა.
CNN-ის ცნობით, 12-15 წლის მოზარდები აშშ-ის პოპულაციის 5%-ს შეადგენენ. გაფართოებული ავტორიზაცია კი ნიშნავს, რომ ვაქცინაცია აშშ-ის მოსახლეობის 85%-სთვის იქნება შესაძლებელი.
ამჟამად კვლევები გრძელდება ვაქცინის უსაფრთხოებასა და ეფექტიანობაზე 6 თვიდან 11 წლამდე ბავშვებში.
კომენტარები