ასეთმა კაცებმა საერთო ჩატი შევქმნათ, ან სადმე შევიკრიბოთ და ძმური სულისკვეთებით ხელი ჩავჭიდოთ ერთმანეთს! – დათო ლიკლიკაძე

ჟურნალისტი, დათო ლიკლიკაძე, სოციალურ ქსელში, წერს:

“წინასააღდგომო მიმართვა ქართველ კაცებს!

ჩემო ქრისტესმიერო ძმებო,

თქვენ, ვინც დღეს ჩემსავით დილიდან ბაზარში ხართ სახლიდან გაგზავნილი და ზოგი მესამეჯერ და ზოგიც მეოთხეჯერ (მე პირადად მე-5 გზაზე ვარ უკვე იმის გამო რომ ხან რა გაახსენდათ და ხან რა!) და სახლში მოსულს მხოლოდ იმიტომ გაგიჭედავენ, რომ შტრიხკოდების მიხედვით ვერ შეარჩიე მაგალითად მაიონეზის ხარისხი. მინდა ასეთმა კაცებმა საერთო ჩატი შევქმნათ, ან დახურული ჯგუფი. ან სადმე შევიკრიბოთ და ძმური სულისკვეთებით ხელი ჩავჭიდოთ ერთმანეთს! გავამხნევოთ, გვერდით დავუდგეთ და დავსიტყვდეთ რომ ყველაფერი კარგად იქნება, რომ ცხოვრება ხანდახან უსამართლოა, მაგრამ სიკეთე მაინც შესაძლებელია!”