მიმდინარე წლის 20 აპრილიდან ჰონ-კონგში ინდოეთიდან, პაკისტანიდან და ფილიპინებიდან ფრენები ორი კვირით მას შემდეგ აიკრძალა, რაც ქვეყანაში მუტაციური შტამი COVID-19 N501Y პირველად დააფიქსირეს. ამის შესახებ ინფორმაციას „როიტერი“ ჰონკონგის მთავრობაზე დაყრდნობით ავრცელებს.
ჰონ-კონგის მთავრობის განცხადებით, ეს სამი ქვეყანა კლასიფიცირდება როგორც „უკიდურესად მაღალი რისკის“ მქონე ქვეყნები მას შემდეგ, რაც უკანასკნელი 14 დღის განმავლობაში აღნიშნული ქვეყნებიდან ჰონ-კონგში შეტანილი ვირუსის შემთხვევები დარეგისტრირდა.
გასულ კვირას ჰონ-კონგში სულ კორონავირუსის 30 ახალი შემთხვევა გამოვლინდა, რომელთაგან 29 სხვა ქვეყნიდან იყო შეტანილი. ჰონგ-კონგში, 15 მარტის შემდეგ გარდაცვალების ყველაზე მაღალ მაჩვენებელი დაფიქსირდა. სულ ჰონკონგში კორონავირუსით ინფიცირების 11 600, ხოლო გარდაცვალების 209 შემთხვევა ფიქსირდება.
ჰონგ-კონგის მთავრობა მოსახლეობას კორონავირუსის წინააღმდეგ ვაქცინაციისკენ მოუწოდებს. ამ ეტაპზე 7,5 მილიონიან ქვეყანაში მოსახლეობის მხოლოდ 9%-ია ვაქცინირებული.
გასულ კვირას ჰონ-კონგის მთავრობის გადაწყვეტილებით, ქვეყანაში ვაქცინაციის სქემის გაფართოებისა და ზოგადად, ვაქცინაციაზე მოთხოვნის გაზრდის მიზნით აცრის პირველ ეტაპში 16-29 წლის ასაკის ადამიანები დაუშვეს.
კომენტარები