“უმოწყალოდაა ნაცემი… დიდი ქვა ჩამარტყეს თავშიო…” – ნასიძის ქუჩაზე თავდასხმის ბრალდებით დაკავებულის ადვოკატი

ნასიძის ქუჩაზე მომხდარი თავდასხმის ბრალდებით დაკავებული ოთარ ალავიძე მისთვის მინიჭებულ დუმილის უფლებას იყენებს.

ჩვენებაც არ მიუცია, იყენებს კანონით მინიჭებულ დუმილის უფლებას… ცხვირი აქვს გატეხილი, თაბაშირი ადევს, სახე აქვს დასიებული, ხერხემალი.. უმოწყალოდ არის ნაცემი და არაერთი პირის მიერ. შევიცხადე რომ დავინახე ეს დასიებული სახე, თვალი ამოტრიალებული, რა მოხდა მეთქი და რაღაცა დიდი ქვა ჩამარტყეს თავშიო. რომ მოვიხედე, ვიღაც ქალმა იყვირა, არ ჩაარტყათო. შესაბამისად, არსებობს ის პიროვნება, ქალი, ალბათ, ვინც იყვირა და გამოძიება, იმედი მაქვს, მივა მაქამდე. არ არის ოთარ ალავიძე “გლოვოს” თანამშრომელი…” – ამბობს ადვოკატი ლალი ბიბილეიშვილი მედიასთან.