გადადგომამდე სამი დღით ადრე, გახარია გვარწმუნებდა… – რას ეუბნებოდა მელიაზე გახარია “ოცნების” საპარლამენტო გუნდს?

“კურიერთან” საუბრისას “ოცნების” დეპუტატმა, ნიკოლოზ სამხარაძემ თქვა:

“გიორგი გახარია ყველას არწმუნებდა უმრავლესობის სხდომაზე, ვისაც განსხვავებული პოზიცია ჰქონდა, რომ ნიკა მელიას უნდა მოხსნოდა იმუნიტეტი, თორემ, სხვა მხრივ, ეს არ იქნებოდა სამართლებრივი.

არ ვიცი, რატომ შეიცვალა აზრი, ჩემთვისაც გაუგებარია, სამი დღით ადრე გვარწმუნებდა ყველას, რომ ნიკა მელიასთვის იმუნიტეტის მოხსნა იყო აუცილებელი.

გუნდში იყო აზრთა სხვადასხვაობა, 90 კაცი ერთნაირად არ ფიქრობს, იყო არგუმენტების გაცვლა-გამოცვლა და გახარია გულმხურვალედ უჭერდა მხარს მელიასთვის იმუნიტეტის მოხსნას, არა მხოლოდ არგუმენტებში, არამედ გულმხურვალედ. სწორედ ამის გამოა გაუგებარი, სამი დღის მერე პოზიციის ცვლა და ეს მან უნდა აუხნას საზოგადოებას”