საქართველოს პრემიერ-მინისტრ ირაკლი ღარიბაშვილის განცხადებით, პოლიტიკურ პარტიებს შორის დიალოგი გრძელდება და იმედი აქვს, შეთანხმებით დასრულდება:
„რაც შეეხება დიალოგს, რა თქმა უნდა, დიალოგი გრძელდება, მინდა, დავიტოვო პოზიტიური, ოპტიმისტური მოლოდინი, რომ შეთანხმება შედგება. ჩვენი მხრიდან არ ქონია და არც ექნება რაიმე დესტრუქციას ადგილი, პირიქით, ამის მომსწრენი გავხდით ოპოზიციის მხრიდან, როცა მათ ჩაშალეს რეალურად დიალოგი და ისინი არ წამოვიდნენ კომპრომისზე. ჩვენ მზად ვართ, რომ გონივრული და სამართლიანი კომპრომისი იქნას მიღწეული, ახლა ჯერი არის ოპოზიციაზე.
ვადამდელი არჩევნები ქვეყანაში არ იქნება. ჩვენ ამაზე საუბარი დავასრულეთ. ამასთან დაკავშირებით მოვისმინეთ ევროკავშირის ოფიციალური წარმომადგენლების განცხადებები, აშშ-ის სახელმწიფო დეპარტამენტის, სენატის და ა.შ. ეუთო/ოდირის დასკვნები. მთელმა მსოფლიომ აღიარა ჩვენი არჩევნები და მოგვილოცა, რა არჩევნებზე მელაპარაკებით.”
“პოლიტპატიმრები ჩვენს ქვეყანაში არ არსებობენ, ეს არსებობდა თქვენი ბელადის, სააკაშვილის დროს“, – აღნიშნა ირაკლი ღარიბაშვილმა ჟურნალისტის კითხვაზე საპასუხოდ.
კომენტარები