“გირჩის” ერთ-ერთი ლიდერი, ვახტანგ მეგრელიშვილი, “ტვ პირველზე” დიანა ტრაპაიძესთან საუბრობს:
-ეს არ იყო 9 საათიანი შეხვედრა, ეს იყო შეხვედრების სერია მედიატორებთან. ამიტომ არ ვეთანხმები ასეთ ერთმნიშვნელოვან განცხადებებს. ჩვენ არ ვიცით რა ხდებოდა იმ პროცესში. მედიატორების განცხადება იქნება გადამწყვეტი. თუნდაც დიპლომატიური ენით შეაფასონ.
არ ვეთანხმები კოლეგებს, რომლებიც მხოლოდ მეორე მხარეს ადანაშაულებენ. იქ იყო ხალხი, ვისაც არ უნდოდა შეთანხმება – ოპოზიციაზე ვსაუბრობ. ოპოზიციაში იყო განსხვავება, ვიღაცას ეტყობოდა, რომ მეტად უნდოდა შეთანხმება. ამდენი დრო რომ დახარჯეს ამ ადამიანებმა, 64 საათი გაატარა დანიელსონმა მხოლოდ საუბრებში, თავად გვითხრა და ამ 64 საათი შედეგად, თუ ვინმეს ექნება შთაბეჭდილება, ექნება მას. დიაგზონი მაინც გვითხრან, საით გავაგრძელოთ მკურნალობა.
ხომ ვიცით მთავარი ორი დაპირისპირებული მხარე? ამ ხალხს რომ არ უნდა შეთანხმება, ცხადია. ბოლომდე მქონდა იმედი. მოდიოდა ქაღალდები, ამ ქაღალდებზე რაღაცას ვმსჯელობდით და მერე ეს ქაღალდები იცვლებოდა. გუშინ მოვიდა საერთოდ გაუგებარი ქაღალდი, საერთოდ გაუგებარი იყო, იქ რაზე შეიძლებოდა შეთანხმება. ჩვენ ვითხრეს, რომ ამას ამზადებდნენ ფასილიტატორები.
მსჯელობის დაწყება და შეურაცხყოფაზე გადასვლა ერთი იყო. ამ შემთხვევაში ვერ დავადანაშაულებ კონკრეტულ ადამიანებს, მაგრამ ის რომ მათ უჭირთ ერთმანეთთან საუბარი, ამის თქმა შეიძლება. ისიც ვიფიქრე, სპეციალურად ხომ არ დაგვტოვეს ერთად ამდენი ხანი, რომ იქნებ, ჩვენ მაინც მოვილაპარაკოთ.
-ცოცხლები რომ დარჩით, ალბათ, ესეც ხეირია, – დიანა ტრაპაიძე
-კი, ბატონო. როდესაც ჩვენ ვიყავით წასულები შეხვედრაზე, ნაციონალური მოძრაობა და ოცნება ერთად ისხდნენ, სათითაოდ გავდოდით შეხვედრებზე. ამდენი ხანი ვიყავით ერთ სივრცეში.
-არც საჭმელი უნდა ყოფილიყო, არც სასმელი და უნდა ეთქვათ, რომ ვიდრე არ შეთანხმდებით… – დიანა ტრაპაიძე
-თუ ასეთ წვრილმანურ რაღაცეებამდე უნდა მივიდეთ, კარგი საჭმელები მოგვიტანეს ნამდვილად, მადლობა ევროკავშირის მისიას კულინარიულ ნაწილში. როგორ შეიძლება გავაგრელოთ ფუნქციონირება, მოსაფიქრებელია. რაც უფრო დრო გადის, მით ნაკლები იმედია, რომ შუამავლები დაგვეხმარებიან. საფიქრალია.
კომენტარები