ლეიბორისტული პარტიის ლიდერმა, შალვა ნათელაშვილმა კრისტიან დენიელსონთან ოპოზიციის და ხელისუფლების შეხვედრა დატოვა.
შალვა ნათელაშვილი აცხადებს, რომ კონსულტაციებზე მედიატორმა პირველ თემად საკანონმდებლო ორგანოში შესვლა და საარჩევნო რეფორმა დააყენა. ამის შესახებ „ლეიბორისტული პარტიის“ ლიდერმა, შალვა ნათელაშვილმა განაცხადა.
„პირველ საკითხებად შემოთავაზებულია საარჩევნო და სასამართლო რეფორმის პრობლემატიკა, რომელიც უნდა იყოს ახალი არჩევნების რიცხვის შემდგომი საკითხი და არც ერთ შემთხვევაში პირველი. ეს არსი დოკუმენტირებული შემოთავაზება. ჩვენთვის მიუღებელია ევროკავშირის უმაღლესი წარმომადგენლის ბატონ ბორელის გუშინდელი განცხადება იმის თაობაზე, რომ საქართველოში ჩატარებული არჩევნები იყო თავისუფალი და დემოკრატიული. ეს განცხადება ძალიან ჰგავს ნარიშკინის განცხადებას. ამიტომ, ეს ძალიან არასასიამოვნო მომენტია.
ლეიბორისტული პარტია ტოვებს მოლაპარაკების იმ ფორმატს, სადა პირველ საკითხად არ იხილება რიგგარეშე არჩევნების თარიღი და სადაც არ წყდება პოლიტიკური პატიმრების გათავისუფლება, სადაც უკანონოდ დაპატიმრებული ნიკა მელია არ ზის ჩვენ გვერდით.
სახლის აშენებას იწყებენ საძირკვლით და არა სახურავით. როგორც კი დავიწყებთ საარჩევნო რეფორმის, სასამართლოს და სხვა პრობლემების განხილვას, პარლამენტში შესვლის მოთხოვნას წინასწარ, ეს ნიშნავს, რომ პროცესი იშლება, რუსი ოლიგარქი რჩება ქვეყნის ბატონ-პატრონად, ქვეყნის დამარბევლად, შესაბამისად, ოპოზიციამ ვერ შეასრულა თავისი მისია ქართველი ხალხის, დღევანდელობის და მომავლის წინაშე”. – თქვა ნათელაშვილმა.
კომენტარები