საქართველომ არსებული კანონმდებლობით და მეორე მხრივ საერთაშორისო ვალდებულების გათვალისწინებით უნდა იმოქმედოს, – ამის შესახებ Imedinews-ს რუსეთთან ურთიერთობების საკითხებში პრემიერ-მინისტრის სპეციალურმა წარმომადგენელმა, ზურაბ აბაშიძემ განუცხადა.
მისი თქმით, ჯერ არ არის გარკვეული, ვინ უხელმძღვანელებს რუსეთის დელეგაციას და ამიტომ ვიზიტზე საუბარი ნაადრევია. დიპლომატმა აღნიშნა, რომ ის არ მართავს კონსულტაციებს და დამატებითი ინფორმაციისთვის საგარეო უწყებას უნდა მივმართოთ.
რუსეთის ფედერაციის საბჭოს წევრის, გრიგორი კარასინის განცხადებით, რუსეთის დელეგაცია მონაწილეობას მიიღებს ევროპის საბჭოს მინისტრთა კომიტეტის სხდომაში, რომელიც მაისში თბილისში უნდა გაიმართოს.
კომენტარები