განწირული ხმით ვყვიროდი, მეზობლებო მიშველეთ, ბავშვს მიკლავს-მეთქი, – ამის შესახებ გურჯაანში ოჯახური ძალადობის დროს გარდაცვლილი ჩვილის დედამ „რუსთავი 2“-ს განუცხადა. მისი თქმით, ყვირილზე დასახმარებლად არავინ გამოვიდა.
„ჩემმა მეუღლემ ჩხუბი დამიწყო, შენ სხვა გიყვარს და სხვასთან გინდა წახვიდეო, მთვრალი იყო. ბავშვი გულზე მყავდა მიკრული და ხელიდან მგლეჯდა. „ფეჩი“ მესროლა და ბავშვს თავში მოხვდა. აკვიატებული ჰქონდა, რომ ეს ბავშვი უნდა მოვკლა, ან „ფეჩში“ შევუკეთებ ან მოვკლავო, სულ ასე მემუქრებოდა“, – აცხადებს გარდაცვლილი ჩვილის დედა.
კახეთში ცოლ- ქმარს შორის დაწყებული დაპირისპირება ჩვილის გარდაცვალებით დასრულდა.
კომენტარები