დავადებათა კონტროლის ეროვნული ცენტრის დირექტორის, ამირან გამყრელიძის განცხადებით, არ იციან ზუსტი თარიღი, თუ როდის შემოვა საქართველოში კორონავირუსის ვაქცინა.
“ფაიზერი არის, ერთ-ერთი დიდი მწარმოებელი დღეს და მას უნდა რომ ევროკავშირთან შეასრულოს თავისი პასუხისმგებლობები, ამიტომაც პრობლემა შეიქმნა იმ 18 ქვეყნის მომარაგებაში, რომლითაც კოვაქსიდან უნდა მოვმარაგებულიყავით, ჩვენ შევდიოდით იმ 18 ქვეყანაში, 4 მათ შორის იყო ევროპული, და გადაიწია ეს მარტის ბოლოსკენ, ჯერ ზუსტი რიცხვები არ ვიცით ფაიზერთან მიმართებაში”, – თქვა ამირან გამყრელიძემ.
“ალია” შეგახსენებთ, ამირან გამყრელიძე დაჟინებით იმეორებდა, რომ ჩვენ ვიქნებით ერთ-ერთი პირველი ქვეყანა, რომელიც ვაქცინას მიიღებს.
შეგახსენებთ იმასაც, რომ ამირან გამყრელიძეს ხშირად ვედავებოდით არასწორი პროგნოზების გახმოვანებისთვის, თუმცა, ვაქცინის ყიდვის დაპირება, ვერ იქნება პროგნოზი, რა ქვია მოქალაქეების ტყუილ დაიმედებას – ამაზე იურისტებმა უნდა იმსჯელონ.
კომენტარები